Sayang Sabah Facebook

Likes
Sayang Sabah Twitter

11,823

Followers

Sayang Sabah - Portal Berita Negeri Kita

Pantai Teringai pikikiro kosiliu rikoton kotombuluian id Sabah

10:25pm 02/01/2016 Maryann 3 views Abal Kinoyonon,Berita Pilihan,Kinoyonon,Kota Kinabalu

jelani
MATUNGGONG: Pantai Teringai poinsumpak id Matunggong pikikiro kosiliu iso mantad ririkoton tutumombului id pogun diti kalapas kinalantaian pinapaharo ababayan mogusa “Matunggong Challenge 2016 (MC 2016)” do hiti di konihab.

Ababayan mogusa miampai tema “Run for a Cause” pikikiro posuangon id kalendar kotombuluian sipoot pogun diti om ababayan dilo nopo nga mantad pingisaman dii Dato’ Jelani Hamdam ih ponogi Puru Walai Koundangan Pogun Matunggong.

Tumanud dii Jelani, nokoboros noh disio ahal dilo kumaa Montiri Komulakan om Sipoot Sabah Datuk Tawfiq Abu Bakar Titingan om nakaanu simbar tosonong mantad montiri dilo.

“Mantad sisimbar disio, silihon disio ababayan diti sabaagi sombohogian mantad kotombuluian sipoot id pogun diti om potoluod nogi isido soginumu RM3,000 montok ababayan dilo,” ka di Jelani.

Otumbayaan ih Jelani ababayan dilo kaanu mogowit kotundaan di tosonong id kinoyonon Kg Teringai ih poinsumpak 30 kilometer mantad Kakadaian Matunggong id sampaping dilo kaanu poingkawas kaangayan kotombuluian id kinoyonon dilo. – SayangSabah

Apa Komen dan Pendapat Anda

Artikel Berkaitan