Sayang Sabah Facebook

Likes
Sayang Sabah Twitter

11,792

Followers

Sayang Sabah - Portal Berita Negeri Kita

Pangantaban laman TMI sabap suang dau momorulong do rayat

10:58pm 28/02/2016 Maryann 0 views Abal Kinoyonon,Kinoyonon,Kota Kinabalu

salleh-600x450-600x450
SHAH ALAM: Laang mangantob do laman The Malaysian Insider (TMI) songkosodop winonsoi kalapas ponoriukan nokokito suang do artikel ih pinalabus do portal dilo korosian kaanu momorulong do rayat.

Montiri Piromutan om Multimedia, Datuk Seri Dr. Salleh Said Keruak minoboros do iti nopo sabap haro wookon artikel TMI nokito momoguno sumber di aiso ngaran kosuang palabus ponuratan karait Panel Ponilaian Operasi ih ponogi panasihat kumaa Suruhanjaya Pangantaban Susuap Malaysia (SPRM).

Minoboros isido do laang TMI dilo kopisulak miampai Seksyen 233 Akta Piromutan om Multimedia 1998 soira kointalangan aiso tadon di pointopot ih pinalabus dilo amu miagal dilo kointalangan rasmi suruhanjaya nokomoi.

“Soira artikel di pinalabus amu mipunong om naanu toomod mantad tadon (habar) ih amu noilaan, tantu do suang kointalangan dilo nga momorulong do rayat.

“Amu kopiadang iti … sabap dilo naanu tokou laang om momonsoi ponoriukan kumaa TMI,” ka disio kumaa maganu habar do hiti di tadau Kolimo.

Pogulu dilo, pinotimpuun disio Karnival Karangkraf 2016 id Kompleks Karangkraf do hiti ih kapanau solinaid tolu tadau gisom tadau Minggu. – BERNAMA

Apa Komen dan Pendapat Anda

Artikel Berkaitan