Kota Kinabalu
Kota Kinabalu
Sandakan
Tawau
Lahad Datu
Keningau
Putatan
Semporna
Kudat
Papar
Ranau
Beaufort
Kota Belud

Sayang Sabah - The voice of Sabahans

Pamansaian Kem PGA Beluran pikikiro timpuunan toun abantalan

RUJI UBI
RUJI UBI

BELURAN, 16 Feb: Porojik pamansaian do kem Tinimungan Gerakan Am (PGA) Beluran pikikiro timpuunan toun abantalan, ka di Boyoon Tupisor Eksekutif Kinoyonon Kotungoligan Poimbida Tisan Kolisahon Sabah (Esscom) Ruji Ubi.

Tumanud di Ruji, montok hontolon dilo, nointutunan noh puru disio tapak tana om do babaino diti mamaso id prosis pirundingan montok maganu tana nokomoi.

“Tumanud pamalanan, porojik nopo dilo pikikiro opongoh toun 2018,” ka disio kalapas minongoi intong tapak tana montok pamansaian do Kem PGA somok kakadaian Beluran di tadau Koiso nakatalib.

Ka di Ruji, porojik kem PGA dilo popokito pingisaman do porinta pisompuruan monginsonong om popogirot panamangan kotungoligan id Zon Atampasi Kolisahon Sabah (Esszone) kosuang id Beluran.

Luguan Montiri Datuk Seri Najib Tun Razak id Bajet 2015 nakatalib minopoumum do poruntukan RM660 riong montok Esscom, kosuang momoruhang iso batalion PGA Polis Diraja Malaysia om iso batalion Susumangod Tindal miampai 1,280 puru wagu pinolulus om momonsoi duo kem id Esszone, ilo nopo nga id Kem Batalion 20 PGA Beluran om Kem Tinimungan Susumangod Malaysia id Felda Sahabat, Lahad Datu, Sabah.

Daamot dilo ababayan pirubaan do Esscom miampai momuruan kotinanan komulakan id tupis watas Beluran, ka di Ruji, mingisom o Esscom papalantoi rikoton do porinta mantamong kotungoligan mogigion Sabah lolobi id Esszone.

Ka disio, iti kosuang nogi ahal kobolihangkangan modidikot songkosuaian aiso kasagaan (PATI).

Minoboros ih Ruji, poompus tulan Koiso toun diti soginumu 2,579 tulun kikotumbayaan PATI tinahan id suang Karaja Miuhup Poimbida id Tawau, Semporna om Lahad Datu.

Id ababayan dilo, nokotindapou nogi Komander Esscom DCP Datuk Abd Rashid Harun, Potunud Bohogian Kourusotiaan Esscom Newmond Tibin om Monguhup Tupisor Watas (Kotundaan) Beluran Abdul Rahman Talipudin. — BERNAMA

Komen


Berita Berkaitan