Kota Kinabalu
Kota Kinabalu
Sandakan
Tawau
Lahad Datu
Keningau
Putatan
Semporna
Kudat
Papar
Ranau
Beaufort
Kota Belud

Sayang Sabah - The voice of Sabahans

Pamansaian do janakuasa hidro Ulu Padas mangan potilombuso

sumbangan-1

KOTA KINABALU – Kabinet minomonsoi koputusan do potilombus momonsoi porojik Janakuasa Hidro Ulu Padas i pikikiro papanahon iso kumponi gabungan kotimpuun toun diti.

Montiri Tanaga, Tiknologi Otomou om Waig Datuk Dr Maximus Ongkili minoboros do kapamansaian do Janakuasa Hidro Ulu Padas dilo kosuul montok mogintong kopio kosukupan lotirik id pogun diti kabagal gisom 10 toun abantalan.

“Koporintaan Longkod maya Komiti Pamalanan Kosukupan Lotirik Nasional om Porinta Pogun pikikiro papaharo mitingan piintangaan tulan diti montok mogiboboros lobi osorisid karait porojik dilo,” ka disio.

Minoboros isido miagal dilo soira rinuba maganu habar kalapas nokotindapou id ababayan mongukab puasa Sabah Electricity Sdn Bhd (SESB) id Promenade Hotel, do hiti di songkosodop.

Tumanud disio, Janakuasa Hidro kigatang RM1.4 bilion dilo okon nopo ko manahak kabagalan lotirik nga kaanu nogi mangantob koluyungon do Bawang Ulu Padas montok mangantob kaantakan luyud id kinoyonon dilo lolobi id watas Beaufort.
“Alansan o porinta longkod do porojik diti aanu papanahon osisikap pogulu tulan Koiso toun abantalan,” ka disio. – Dii Nuzir Andi Samsiar / sayangsabah

Komen


Berita Berkaitan