Kota Kinabalu
Kota Kinabalu
Sandakan
Tawau
Lahad Datu
Keningau
Putatan
Semporna
Kudat
Papar
Ranau
Beaufort
Kota Belud

Sayang Sabah - The voice of Sabahans

Pamalanan montok kotundaan watas Sipitang

Sapawi Ahmad (duo mantad gibang) papatahak watikah pomilian kounsil kumaa di Senator Datuk Jamilah Sulaiman.  SIPITANG – Puru Kounsil Watas pinokianu mamalan do palan strategik timpu tanaru montok mogintong kotunda om komogot o watas Sipitang.
Sapawi Ahmad (duo mantad gibang) papatahak watikah pomilian kounsil kumaa di Senator Datuk Jamilah Sulaiman.
SIPITANG – Puru Kounsil Watas pinokianu mamalan do palan strategik timpu tanaru montok mogintong kotunda om komogot o watas Sipitang.

SIPITANG – Puru Kounsil Watas Sipitang pinokianu mamalan do palan timpu tanaru montok papatantu do kopotundaan om komogot watas diti kopiongoi di kinoburuon kawawagu.
Puru Parlimen Sipitang Datuk Sapawi Ahmad minoboros miagal dilo id Ababayan Angkat Sumpah Puru Kounsil Watas Sipitang, hiti di baino.
Tumanud disio, puru kounsil watas nopo nga kukumaraja popogura poimbida doid koposindakan kopotundaan watas kumaa gontob di lobi takawas.
“Sipitang nopo nga watas di haro kosiwatan tagayo do tumunda id kotombuluian. Iti noh watas kumoiso abantalan tutumombului mantad Brunei om nogi Sarawak ih momoguno padsakaian korita sumuang id pogun diti.
“Sabap dilo apatut tokou papatantu kotilombus o Sipitang kotunda miampai do pamalanan timpu tanaru,” ka disio.
Minoboros nogi ih Sapawi do apat ahal ih apatut do posuulon, ilo nopo nga koborisian, kooyuon tosonong, kotingoligan om kolumison id kapamalanan do palan nokomoi
“Otumbayaan oku, puru kounsil dilo kaanu manahak pomusarahan di tosonong montok monginsonong nunu ih apatut id watas diti,” ka disio.
Id ababayan dilo, soginumu 18 tulun pinili sabagi puru kounsil, wookon nopo diolo nga Senator Datuk Jamilah Sulaiman, Datuk Semion Abdul Rahim, Abdul Rahman Mohd. Noh, Rosli Tahir, Asli Moksin, Jamian Yunus, Aminah Ghapar om Lau Kim Ling. – SayangSabah

Komen


Berita Berkaitan