Sayang Sabah Facebook

Likes
Sayang Sabah Twitter

11,799

Followers

Sayang Sabah - Portal Berita Negeri Kita

Palansanon kumaa Sabah maganu laang kumaa di posurung tontolu ponyu: Ismail Sabri

12:41pm 11/11/2015 Maryann 3 views Abal Kinoyonon,Berita Pilihan,Kinoyonon,Kota Kinabalu

ismail sabri
KOTA KINABALU: Montiri Koburuon Labus Kakadaian om Pogun pinapalansan kumaa koporintaan Sabah montok maganu kaang kumaa doid di paanjur i minoposurung tontolu ponyu id ababayan di tinindapou disio id Sandakan, di tulan Kawalu nakatalib.

Minoboros nogi i Datuk Seri Ismail Sabri Yaakob, sabaagi tombului ontok ababayan nokomoi amu nokogompit do minokianu taakanon di pinosurung, kaampai no tontulu ponyu, ilo nopo nga tayam oundoronok id pomogunan Malaysia diti.

“Patahakon nopo kumaa Sabah montok maganu laang undang-undang,” ka disido kuminaa doid magaganu habar kalapas tunindapou do ababayan misuau miampai do Komiti Koburuon om Koumoligan Kampung (JKKK) om Komiti Mogigion Id Kakadaian (JKDB) Zon Tisan Koributon Kotonobon Sabah, doiti di konihab.

Minoboros isido miagal dilo ontok nuhot do monunurat habar nung laang undang-undang do mositi onuon kumaa doid paanjur ababayan nokomoi i pinoposurung tontolu ponyu i umoligon.

Tumanud di Ismail Sabri tombuli id ababayan dilo haro pilian do mangakan do taakanon di pinosurung.

“Maganu tokou poombitanan, tombului kiugama Hintu ontok karamaian tulun Islam i mositi haro rendang daging sapi toi kari daging sapi.

“Koubaanan nopo nga tulun Hindu amu mangakan do daging sapi om mangakan do taakanon suai. Sabap dilo amu aadang nung pasalao tokou iyolo tu haro taakanon do dagins sapi di pinosurung,” ka disio.

Di kawawagu diti, gambar pinopokito do i Ismail Sabri miampai di Luguan Umno Bohogian Beluran, Datuk James Ratib, maso makan ontok makan totuong miampai pinosurung tontolu ponyu id sakai mija, nokotongkop id media sosial.

Gambal diho nokopoimbulai kototogod id tatanga kotinanan okon koporintaan (NGO) kogompit sandad misorili id pogun Sabah diti. – BERNAMA

Apa Komen dan Pendapat Anda

Artikel Berkaitan