Kota Kinabalu
Kota Kinabalu
Sandakan
Tawau
Lahad Datu
Keningau
Putatan
Semporna
Kudat
Papar
Ranau
Beaufort
Kota Belud

Sayang Sabah - The voice of Sabahans

Palan Strategik kosudong ukabon montok monguhup popoingkawas sistom MDP

Yahya Hussin (tanga) papatahak watika palantikan kumaa Puru MDP.
Yahya Hussin (tanga) papatahak watika palantikan kumaa Puru MDP.

PUTATAN – Kosuul o piromutan ogirot id tanga pongubal dasar om kotinanan eksekutif montok mogintong kopio agampot o rikoton kotundaan sosio-ekonomi di pinalan toiso-iso kounsil watas.

Kumoduo Boyoon Montiri Datuk Yahya Hussin minoboros do sabagi iso agensi tagayo i manahak kotorinaan kumaa mogigion, mimang tonggungan do Kounsil Watas Putatan (MDP) mogintong toinsanan sistom koindalan id waya osonong om osuau kumaa tulun ginumuan.

“Oilaan do tulun ginumuan, tongungan nopo do MDP okon nopo ko manahak kotorinaan miagal pongurusan do rinomos, koborisian misorili om kolumison do kakadaian nga kitonggungan nogi papanau porojik kotundaan kumaa mogigion.

“Sabap dilo, Kounsil Watas apatut lobi mimparagat montok mamagampot rikoton miagal di pokionuon do rayat,” ka disio.

Minoboros isido miagal dilo id ababayan Angkat Sumpah om Panahakan Watikah Polantikan Puru Ngawi Kounsil Watas Putatan, hiti di konihab.

Minoboros ih Yahya do, tinuridong o MDP montok popoburu Putatan sabagi iso koporintaan kinoyonon di tabaa om kikomauan om nogi sabagi mamalan montok popoburu ababayan ngawi kotundaan kumaa mogigion posorili. – SayangSabah

Komen


Berita Berkaitan