Sayang Sabah Facebook

Likes
Sayang Sabah Twitter

11,804

Followers

Sayang Sabah - Portal Berita Negeri Kita

Pak Jamal, aktivis NGO Pro-BN nantaban sumuang Sarawak

11:57pm 14/04/2016 Maryann 1 views Abal Kinoyonon,Kinoyonon,Kota Kinabalu

jamal1-600x400
KUCHING: Boyoon UMNO Bohogian Sungai Besar, Selangor, Datuk Jamal Md. Yunus nokosuang id ngaran ngawi puru pulitik om aktivis kotinanan okon porinta (NGO) mantad Semenanjung ih amu pasagaon sumuang id Sarawak.

Jamal mongoi id Sarawak pukul 9.30 kosuabon mantad Sosondoton Kapal Tutumulud Somponogunan Kuala Lumpur (KLIA), Sepang nantaban do Imigresen sabap poinsuang id sinarai ngaran Not To Land Notice (NTL) toi ko Notis Tolak Kemasukan.

Nasip miagal dilo noumbalan nogi do piro-piro tokoh susumaap nointutunanid Semenanjung wookon nopo nga Timbang Porosidin PKR, Nurul Izzah Anwar; Porosidin PAN, Mohamad Sabu; momuruan DAP, Tony Pua om aktivis BERSIH, S. Ambiga.

Kikotumbayaan do pangantaban kumaa dii Jamal sabap laang agresif disio solinaid tidi om kaawagu nopo nga pogumbalan monuyas do papan iklan garagasi ‘Bebas Anwar’ dii PKR sabap nosorou mongunsasangi sistom kohakiman Malaysia.

Noumbalan nogi isido tinahan do pulis sabap minanahak kopoingatan rusuhan tinaru pikikiro aantakan id Petaling Street sasabap kowowoyoon amu osonong do Sina suai ko momuruan do Himpunan Rakyat Bersatu ‘Baju Merah’ ontok tadau ko-16 tulan Kosiam toun nakatalib.

Pogulu dilo, pandakwah nointutunan Dr. Ridhuan Tee Abdullah nokoumbal nogi nantaban sumuang id Sarawak sabap dinawa pinopoimbulai kopurimanan amu osonong id tanga tulun Kristian lolobi ahal kalimah Allah om kitab Injil bahasa Melayu.

Jamal ih ponogi Ponorikohon Gabungan NGO Melayu nokorikott id Sosondoton Kapal Tutumnulud Sompomogunan Kuching pukul 11.30 kosuabon tadau Kaapt montok kimpin monguhup Barisan Nasional (BN) id pomilian tagayo pogun ko-11 amu noh alaid mantad baino.

Boyoon Montiri Sarawak, Tan Sri Adenan Satem pogulu diti minopotosol do laang disio papanau ‘pengharaman’ sumuang puru ngawi pulitik pointantu kumaa pogun diti nopo kituduan monungolig do kosuulan rayat Sarawak.

“Kiguno oku monungolig kosuulan rayat Sarawak, lolobi mantad ahal di amu osonong … mantad pogintangan do pulitik om suai poh. Ilo noh karaja om tonggungan ku sabaagi Boyoon Montiri,” ka disio. – Agensi/Mynewshub.cc/HAA

Apa Komen dan Pendapat Anda

Artikel Berkaitan