Kota Kinabalu
Kota Kinabalu
Sandakan
Tawau
Lahad Datu
Keningau
Putatan
Semporna
Kudat
Papar
Ranau
Beaufort
Kota Belud

Sayang Sabah - The voice of Sabahans

Pairin mamaso magandad surat palantikan sabagi Ponorikohon Komiti Karaja PATI

pairin-600x367
KOTA KINABALU, 8 Jan (Bernama) — Kumoduo Boyoon Montiri Tan Sri Joseph Pairin Kitingan kakal magandad surat palantikan disio sabagi Ponorikohon Komiti Karaja montok monorisid suang ruputan Suruhanjaya Ponoriukan Diraja (RCI) karait Modidikot Songkosuaian Aiso Kasagaan (PATI) id pogun diti.
Ka disio, oporlu o surat palantikan dilo montok poposinang disio mongilo karaja ih apatut papanahon suai ko mongintutun hontolon, ponginsamakan om lansanon id suang palan tindakan manalasai kobolihangkangan PATI id Sabah pogulu patahakon kumaa Komiti Tatap.
“Sabap dilo, id suang tombului tapantang di baino, mogiboboros tokou montok mamagampot iso kointalangan karait tonggungan puru komiti karaja dilo moi toinsanan karati om kumaraja lobi osikap, amu oborulong om popoimbulai laang manalasai ahal diti,” ka disio.
Minoboros isido miagal dilo kumaa maganu habar soira minamaramit tombului tapantang tupiisor ngawi Komontirian Suang Pogun (KDN) hiti di tadau Kaapat.
Nakaampai nogi ih Kumoduo Boyoon Monunurat (Operasi) KDN Datuk Wahab Mohd Yasin om Monunurat Porinta Pogun Sabah Tan Sri Sukarti Wakiman.
Tumanud di Pairin, sundung do amu po nakaramit do surat palantikan nga isdo miampai puru komiti karaja di suai ih pikikiro mangan pilio, poinsodia mamaramit om mamabo tonggungan dilo id suang mogintong kopio ahal PATI ih nakagamut noh id pogun diti aanu manalasai. -BERNAMA

Komen


Berita Berkaitan