Sayang Sabah Facebook

Likes
Sayang Sabah Twitter

11,653

Followers

Sayang Sabah - Portal Berita Negeri Kita

Pagandadan 30 toun panaroka tana maganu garan

12:18pm 02/12/2015 Maryann 1 views Abal Kinoyonon,Kinoyonon,Tawau

semporna 2
SEMPORNA: Pagandadan lobi 30 toun dii 745 panaroka tana id Mount Pock om Nagos do hiti nopupusan soira nakaramit garan komunal ih pinotunui di Boyoon Montiri Sabah, Datuk Seri Musa Aman.

Ababayan dilo pinapanau id Dewan Masyarakat Semporna om popokito soginumu 2,096 hektar tana pinatahak, ilo nopo nga 1,388 hektar id Mount Pock miampai toiso-iso tutumanud kaanu 3.2 hektar om 708 hektar poh id Nagos ilo nopo nga duo hektar montok toiso-iso tutumanud.

Minoboros id ababayan dilo, Musa minoboos do panahakan garan komunal dilo nopo nga kointahangan do porinta pogun Sabah amu insan kiginawo monompipi kumaa hombo-hombo nopo mogigion om watas kopogompit ahal tana id pogun Sabah diti, sambalik dilo, kasasari mingisom do monumboyo kopokianuan do rayat miampai aadang.

“Ilo titondos do sombohogian tulun amu kitonggungan moboros do manahak nopo tokou garan kumaa kinoyonon sokid id Keningau, Pensiangan om Nabawan, nga minggisom tokou manahak kumaa pototongkop Sabah om tulun Semporna nga kikopotutan nogi kaanu tana nga maganu iho timpu om proses di tanaru,” ka disido.

Alansan nogi isido do mooi o mamaramit ngawi do garan do amu papadagang tana dino, sambalik diho, popoburu montok manahak koonuan om i kiguno kopio, sabaagi tungkus kumaa tanak manangaki id timpu abantalan.

“Geran Komunal nopo nga koatulan montok mongivad do tana dino dagangon, mositi o tana tundaon om nogi potungkuson kumaa tanak om manangaki, au zou kotumbozo nung tana manangaki kobibi, dadi au miho onuon do tuhun suvai, ogumu tana di pinataak ontok timpu USNO, Berjaya, PBS naatu id hongon tuhun suvai, au tokou mimang ahal diho,” ka disido.

Naamot diho, minongomi kokomoi panadaan sunsuzon Pulau Bum-Bum, minoboos i Musa kopolintaan pogun maza pitimbungakan cabinet pogun Sabah, minomutus montok monunda projik di kopounsub om nadadi kopoguhuanan do layat. – BERNAMA

Apa Komen dan Pendapat Anda

Artikel Berkaitan