Kota Kinabalu
Kota Kinabalu
Sandakan
Tawau
Lahad Datu
Keningau
Putatan
Semporna
Kudat
Papar
Ranau
Beaufort
Kota Belud

Sayang Sabah - The voice of Sabahans

Paganakan oindamaan mosikin kaanu 20kg wagas monikid tulan

beras
PUTRAJAYA: Toiso-iso paganakan oindamaan mosikin ih nokorijistor onuan do 20 kilogram wagas monikid tutlan id siriba ababayan MyBeras gisom tulan Kohopod om Duo 2016, ka di Luguan Montiri Datuk Seri Najib Tun Razak.

Inisiatif dilo nopo nga sombohogian mantad laang Ponimbanan Bajet 2016 ih pinointutun montok mongingkuri tingorit koposion paganakan mosikin.

“Osianan kopio porinta kumaa tinimungan do rayat di nakaanu waya sasabap kinoingkawason balanja kopoposion lolobi tinimungan mosikin,” ka disio soira minapawalad ponimbanan bajet dilo id Longkod Pusat Konvensyen Sompomogunan Putrajaya (PICC) do hiti di baino.

Suai koi lo, montok mongingkuri kos gating babarang kogunoon monikid tadau do rayat, porinta nga popo ‘liberalisasi’ pangantaban kuota import (AP) montok walu produk pomutanaman nopili montok timpu daamot montok mogintong kopio kosukupan di aadang.

Tumanud disio, produk pomutanaman dilo nopo nga kosuang linsou kupi amu noonsok, daging karabau, sapi om kambing.

Minoboros ih Najib do id timpu dilo, syarat kotonudan kualiti om koumoligan kakamot import potilombuson posogulu. – BERNAMA

Komen


Berita Berkaitan