Kota Kinabalu
Kota Kinabalu
Sandakan
Tawau
Lahad Datu
Keningau
Putatan
Semporna
Kudat
Papar
Ranau
Beaufort
Kota Belud

Sayang Sabah - The voice of Sabahans

Otumbayaan o BASARNAS kaanuu mogihum bangkai kapal AirAsia QZ8501

basarnas-600x367

JAKARTA – Karaja Mogihum om Manampasi (SAR) nahas AirAsia QZ8501 ih sumuang no do sominggu, gisom baino nakaanu minogihum 30 rata om duo objik tagayo ih kikotumbayaan bangkai kapal nokomoi.
Boyoon Kotinanan SAR Nasional (BASARNAS) Bambang Soelistyo minoboros do tumanud ginayo koduo-duo objik tagayo id saralom do rahat, puru dau kikotumbayaan do ilo nopo nga bangkai di kapal AirAsia.
“Miampi kinokitanan do haro kinosougan do tumau om duo bohogian tagayo kapal dilo, iti nopo nga bohogian di kapal AirAsia ih ihumon dahai solinaid diti,” ka disio kumaa maganu habar ih pinosolimbou potilombus maya piro-piro kosolimbahan televisyen kinoyonon.
Tumanud disio, bohogian goos tagayo soninaru 10 mitor om koduo-duo objik dilo nopo nga id kinoyonon pikikiro 30 mitor id saralom do rahat.
Mantad 30 rata di noihum, 17 nopo nga kusai om 13 tondu. Toinsanan do rata dilo pinaatod kumaa Hospital Bhayangkara, Surabaya montok pongintutunan.
Kapal dilo minapasakai 162 susumakai om tanak kapal tinulud mantad Surabaya di jaam ko-5.35 kosuabon om pikikiro korikot id Singapura jaam ko-8.20 kosuabon dilo (28 tulan Kohopod om Duo). – BERNAMA

Komen


Berita Berkaitan