Kota Kinabalu
Kota Kinabalu
Sandakan
Tawau
Lahad Datu
Keningau
Putatan
Semporna
Kudat
Papar
Ranau
Beaufort
Kota Belud

Sayang Sabah - The voice of Sabahans

Otopot haro koingkawason tambang bas nga kakal aantaban

skuad 16

KOTA KINABALU – Mantad pogintangan di pinapanau tinimungan Skuad Sukarelawan Momoguno Sabah id posorili Terminal Bas om Teksi id Jalan Bandaran hiti di tadau Koiso nakatalib, nokito miming otopot haro sombohogian pongusaha padsakaian kogumuan popoingkawas tambang do bas om teksi lolobi id timpu karamaian.

Ponorikohon Skuad Sukarelawan Momoguno Datuk Amisah Yassin minoboros do mulong do ingkaa, tambang di pinoingkawas kakal aantaban.

Tumanud disio, pinoingkawas o tambang dilo piro-piro toun nakatalib sasabap nokoingkawas gatang do tumau, pomonsoi korita om tayar.

“Do baino nokoinsiriba nodii gatang do tumau, nga tumanud papanau ngawi bas om teksi, amu iyolo milo poinsiriba do potilombus osiriba sabap, pomonsoi korita, kakamot korita om tayar kakal apagon o gatang.

“Om mantad pogintangan dahai, sundung potuu haro kinoingkawason do tambang nga kakal poh id gontob kaantaban om amu katalib gatang di pinatatap do puru kikuasa,” ka disio.

Minoboros isido miagal dilo kumaa maganu habar kalapas minapaharo pogintangan id Jalan Bandaran, hiti di tadau Koiso nakatalib.

Tumanud di Amisah, minopoindalan o skuad sukarelawan pogintangan sasabap nakaramit kumpilin tulun ginumuan.- Dii NUZIR ANDI SAMSIAR / Sayangsabah

Komen


Berita Berkaitan