Kota Kinabalu
Kota Kinabalu
Sandakan
Tawau
Lahad Datu
Keningau
Putatan
Semporna
Kudat
Papar
Ranau
Beaufort
Kota Belud

Sayang Sabah - The voice of Sabahans

Otood ginawo tangaanak sikul tumimpuun sikul 2015

Songulun molohing tapa papaatod tanak dau mongoi sikul id SK Tomis. – foto Monica Gidong
Songulun molohing tapa papaatod tanak dau mongoi sikul id SK Tomis. – foto Monica Gidong

TAMPARULI – Kataadan ginawo tangaanak sikul lolobi kopio susumikul Daraja 1, poimpuli pogun amu kiraon id kakadaian, labus kakadaian toi ko id kokompungan kosuang id SK Tomis Tamparuli, okito maya turos diolo di tadau koiso nukaban sikul di konihab.

Toinsanan 52 tulun susumikul Daraja 1 gisom 6 id SK Tomis nokorikot id sikul miampai rasuk, kasut om kantung di wagu poh ngawi.

Molohingon Sikul dilo, Sudi Tangara minoboros do, toun diti soginumu 12 tangaanak sikul Daraja 1 mimpuun balajaran diolo id sikul nokomoi.

“Kogumuan tangaanak sikul do hiti nga mamanau gakod do mongoi sikul sabap amu osodu walai diolo om sikul diti. Koubasanan nopo nga tangaanak sikul di Daraja 1 ngoyon pootodo molohing diolo id kotimpuunon sikul montok mongubas diolo kowowoyoon id sikul,” ka disio.

Tumanud di Sudi, mulong do ginumu tangaanak sikul dilo, okuri piagalon do sikul ngawi do suai nga sumangat do mongingia soginumu 11 tulun potimpuun karaja diolo om sumangat tangaanak sikul do balajar nga akawas kopio.

Soira nuhot nunu lansanon do sikul nokomoi toun diti, ka disio, pinoiliu diolo rikoton do maganu koputusan goos osonong kapaas 100 pihatus id poniisan Ujian Penilaian Sekolah Rendah (UPSR) ih opupusan toun diti.

Karait Bantuan Khas Awal Persekolahan 1Malaysia, ka di Sudi, mangan ilo potikido kumaa tangaanak sikul do tadau baino. – Dii Monica Gidong / SayangSabah
sk-tomis-semangat-600x355

Komen


Berita Berkaitan