Kota Kinabalu
Kota Kinabalu
Sandakan
Tawau
Lahad Datu
Keningau
Putatan
Semporna
Kudat
Papar
Ranau
Beaufort
Kota Belud

Sayang Sabah - The voice of Sabahans

Osontob ginawo di TPM kinalantaian Ababayan Transformasi id Sabah

TPM2-600x366

KOTA KINABALU – Komontirian Balajaran otumbayaan do kinaangayan id Ababayan Transformasi Pogun Sabah 2014 ih rinantis id pogun diti kaanu potilombuson om poingkawason id timpu abantalan.

Kumoduo Luguan Montiri Tan Sri Muhyiddin Yassin minoboros do kinalantaian do ababayan dilo okito maya koputusan osonong do Sabah id suang poporiksaan Poniisan Peperiksaan Sikul Tosiriba (UPSR) om Sijil Balajaran Malaysia (SPM) ih nokotilombus nokoingkawas.

“Sabap diti, alansan oku kukumaraja balajaran id Sabah tumilombus do popilipat pingisaman montok mogintong kopio koonuan osonong miagal diti kotilombus koingkawas om kaanu papalabus pogun diti mantad `bottom five’.

“Karati oku do miampai kotoguang mogisuai-suai kaantaban, okon ko osinang mamagampot kinalantaian miagal diti. Sundung do ingkaa sunduan om kapakaran kinoyonon ih haro miampai sokodung di pinatahak mantad porinta pogun om longkod, otumbayaan oku Sabah kaanu popokito kaangayan lobi osonong id pogun diti id timpu abantalan,” ka disio.

Minoboros isido miagal dilo soira minanahak boboroson id ababayan pirubaan poimbida kukumaraja Institusi Balajaran id pogun diti id Kompleks Dewan Kuliah Pusat Kedua Universiti Malaysia Sabah (UMS) hiti .

Nokotindapou nogi ih Boyoon Montiri Datuk Seri Musa Aman; Monunurat Pointa Pogun Tan Sri Sukarti Wakiman; montiri Kotombuluian om Sandad Misorili ih ponogi Exco Balajaran Pogun, Datuk Masidi Manjun om Kumoduo Montiri Balajaran Datuk Mary Yap Kain Ching om Naib Canselor UMS, Prof. Datuk Dr. Mohd. Harun Abdullah.

Komen


Berita Berkaitan