Kota Kinabalu
Kota Kinabalu
Sandakan
Tawau
Lahad Datu
Keningau
Putatan
Semporna
Kudat
Papar
Ranau
Beaufort
Kota Belud

Sayang Sabah - The voice of Sabahans

Osonong sisimbar mogigion karait kopoindalanan GST

pendapat 16

BEAUFORT – Momuruan mogigion kitonggungan tagayo manahak kointalangan kumaa mogigion kampung karait kosonongon kopoindalanan diti sistom Sukai Barang om Porkhidmatan (GST) ih kotimpuun tadau Koiso tulan Kaapat abantalan.

Sabap dilo, iso taklimat toi ko boboroson Kopongunaan GST nayatan Beaufort pinaanur do Tupis Watas Beaufort montok manahak kointalangan om kopoilaan kumaa toisanan momuruan kampung mantad kinoyonon Lumadan, Klias dan Membakut.

Ababayan dilo, tinanud soginumu 400 tulun kaampai molohingon kampung, ponorikohon komiti kotungoligan om komogoton kampung (JKKK) boyoon anak pogun om momuruan kotundaan mogigion (PPM) id Dewan Pa’ Musa.

Kointalangan karait GST pinatahak tupisor mantad Koupisan Kastam Diraja Malaysia om Komontirian Pidagangan Suang Pogun, Koporasi om Momoguno (KPDNKK). Ababayan dilo pinotimpuuun di Puru Parlimen Beaufort Datuk Azizah Mohd Dun.

Osonong raramit toinsanan momuruan mogigion ih nokotindapou id ababayan dilo.Tumanud diolo, ababayan miagal dilo kaanu momoruhang toilaan om poposonong diolo manahak kointalangan kumaa mogigon kampung ih amu po karati ahal diti.

Ponorikohon JKKK Kampung Muhibbah, Rahman Karmo, minoboros do taklimat miagal dilo kaanu manahak kointalangan pointopot GST sabap kakal ogumu mogigion kampung amu karati.

“Ababayan diti minomoruhang toilaan ku karait do GST papasanang doho popoilo kumaa mogigion kampung kalapas diti om mongiad pomusarahan amu osonong karait GST ih pinatayad puru aiso tonggungan pogulu diti,” ka diiso.

Daamot dilo, ponyolia bohogian Momouruan kotundaan Mogigion (PKKM) Lumadan Dayang Surinah Karim, minoboros do apatut o toinsanan momuruan mogigion kampung mamarati sistom sukai dilo.

Sabap, sabagi momuruan, kitonggungan iyolo popoilo nunu kopio GST kumaa mogigion kampung ih kakal amu karati,” ka disio. – Dii Aryan De Vera / SayangSabah

Komen


Berita Berkaitan