Sayang Sabah Facebook

Likes
Sayang Sabah Twitter

11,658

Followers

Sayang Sabah - Portal Berita Negeri Kita

Osonong raramit mogigion kampung ponukatan tana NCR

12:32am 13/04/2016 Maryann 1 views Abal Kinoyonon,Berita Pilihan,Kinoyonon,Kota Kinabalu

penduduk kampung
TUARAN: Mogigion id apat kampung ih nakaampai id Kopoindalanan Sistom Pantas, ilo nopo nga porojik karait ponukatan do Tana Hak Adat Anak Pogun mamaramit tosonong pingisaman do porinta maya Koupisan Tana om Monukat montok monukat om palabus do garan tana diolo.

Boyoon Kampung, Kampung Lokos Kimbin Dominic Sandalu, 77, minoboros do mogigion kampung dilo nakalaid noh minangapalai montok tuduan koponukatan do tana om do baino naramit nodii.

“Ounsikou tomod ginawo dahai sabap upalai dahai pinolulus om nakaanu laang pointopot montok papaanu dahai maganu do aran tana dahai sondiri,” ka disio soira rinuba maganu habar id ababayan kointalangan toniba karait ponukatan do tana Hak Adat Anak Pogun kopihondot kotombuluian pogintangan di Boyoon Potunud Bohogian Mongulud Kopoindalanan (ICU) Koupisan Luguan Montiri Dato Ahmad Zaki Ansore Mohd Yusuf, id Lembah Kiulu, do hiti di konihab.

Ponorikohon Komiti Komogoton om Koumoligan Kampung (JKKK) Kg.Lokos Patrick Yanggau, 44, minoboros do mogigion kampung mamaramit tosonong pingisaman dilo ih laid noh piandad andad.

“Kalapas hinapadan o toun mangapalai do ponukatan do tana, baino nogi dii rinongou o upalai dahai om ounsikou ginawoo dahai sabap nasip do tulun kampung ih lumansan tomod do asil pomutaman nga nakaanu pogintangan,” ka disio.

Kampung di nakaampai id ponukatan dilo nopo nga Kampung Lokos, Kampung Nuluh, Kampung Tiong Ratau om Kampung Tiong Simpdon.

Gisom tadau ko-31 tulan Kotolu toun diti, ginumu lot di nosukat nopo nga soginumu 1, 896 lot miampai purata toiso-iso lot di nusaha do mogigion kampun nopo nga soginayo duo gisom tolu ekar.- Dii Leolerry Lajius/Sayang Sabah

Apa Komen dan Pendapat Anda

Artikel Berkaitan