Kota Kinabalu
Kota Kinabalu
Sandakan
Tawau
Lahad Datu
Keningau
Putatan
Semporna
Kudat
Papar
Ranau
Beaufort
Kota Belud

Sayang Sabah - The voice of Sabahans

Osonong kousinan do Sabah: KM

Edwin Bosi (kotolu mangad gibang) popokito karatas habar kumaa di Musa (gibang), om intangan dii Chan Foong Hin om Roland Chia (wanan). - Foto Ille Tugimin/SayangSabah
Edwin Bosi (kotolu mangad gibang) popokito karatas habar kumaa di Musa (gibang), om intangan dii Chan Foong Hin om Roland Chia (wanan). – Foto Ille Tugimin/SayangSabah

KOTA KINABALU – Kowowoyoon kousinan pogun dii osonong do babaino diti amu mongunsub do porinta Sabah momonsoi pangalasan maya Kumpulan Wang Rizab Negeri (KWRN).

Sabap dilo, ka di Boyoon Montiri Datuk Seri Musa Aman, paalasan dilo pinatahak kumaa pogun dii kotoguang kobolihangkangan kousinan.

“Iyati, haro rizab kousinan pogun di kabagal om gisom baino amu tokou poh oporlu molos do tusin mantad KWRN,” ka disio id Pitimungan Walai Koundangan Pogun, do hiti, di baino.

Minoboros isido miagal dilo montok monimbar ponguhatan pomoruhang di Edwin Bosi (DAP-Kapayan).

Caruman dilo pinoumum di Luguan Montiri Datuk Seri Najib Tun Razak id mitingan Kounsil Kousinan Pogun id Kuala Lumpur di kawawagu.

Id mitingan dilo, porinta longkod nokotumboyo posodia caruman soginumu RM880 riong kumaa KWRN montok monguhup pogun-pogun suai di kotoguang kobolihangkangan kousinan.

Pogulu dilo soira minonimbar ponguhatan mantad dii Datuk Syed Abas Syed Ali, minoboros ih Musa do soginumu apat kumponi porinta pogun nokira id siriba Rancangan Audit Tahun 2014 (Siri 1 dan 3 Tahun 2014), ilo nopo nga Saham Sabah Berhad, Perkasa Trading Sdn. Bhd., Warisan Harta Sabah Sdn. Bhd. dan Sawit Kinabalu Sdn. Bhd.

Ka disio, piro-piro toguran winonsoi dii Koupisan Audit Pogun mamaso om naanu noh laang dilo kumponi nokomoi om porinta pogun nga nokoilo noh ahal dilo. – Dii Sitti Nor Azizah Talata / SayangSabah

Komen


Berita Berkaitan