Sayang Sabah Facebook

Likes
Sayang Sabah Twitter

11,669

Followers

Sayang Sabah - Portal Berita Negeri Kita

‘OPS PACAK’ monguyas padagangan sogirit soludup

10:28pm 24/03/2016 Maryann 1 views Abal Kinoyonon,Kinoyonon,Kota Kinabalu

ops pacak
KOTA KINABALU: Koupisan Kastam Diraja Malaysia (JKDM) minopotimpuun ‘OPS PACAK’ miampai ponguhupan do pulis, Dewan Bandaraya Kota Kinabalu (DBKK) om Komontirian Pidagangan Suang Pogun, Koporasi om Koponggunaan (KPDNKK) sabaagi laang montok mangantob ponoludupan om potilmbus momutul do rangkaian bakalan soirit om babarang kritikal suai mantad sumuang id pidagangan kinoyonon.

Kumoduo Boyoon Potunud Kastam Malaysia Dato’ Matrang Hj. Suhaili, minoboros do JKDM nopopoindalan noh iso karaja poimbida monguyas padagangan om pottikidan sogirit maya Ops Outlet mantad tulan Koduo toun 2010.

“Gisom tadau ko-29 tulan Koduo toun diti, JKDM nokopomorisa soginumu 45,473 kadai om 11,473 kiis miampai angaran gatang babarang naahau nopo nga RM127.26 riong.”

“Kiis pamagakaman dilo kapaampai 7,591 tulun ih kikotumbayaan om haro soginumu 3,280 kiis nadawa id kuut,” ka disio.

Minoboros isido miagal dilo kumaa maganu habar kalapas ababayan kopotimpuunan Ops Pacak id soliwan longkod tupis DBKK, do hiti di baino.

Tumanud dii Matrang sasaran nopo karaja diti nga id kinoyonon ngawi “hot spot” ih nointutunan haro karaj ponoludupan sogirit aiso kasaagan om tiinumon kaauk id posorili kakadaian Kota Kinabalu.- Sayang Sabah

Apa Komen dan Pendapat Anda

Artikel Berkaitan