Kota Kinabalu
Kota Kinabalu
Sandakan
Tawau
Lahad Datu
Keningau
Putatan
Semporna
Kudat
Papar
Ranau
Beaufort
Kota Belud

Sayang Sabah - The voice of Sabahans

Ops Daulat id Tanduo popokito rati pointopot piuhupa id tanga puru porinta

Mohd. Zaki (tanga) papatahak sitipikit kumaa songulun tutumanud ababayan dilo. - foto Masani Sandan
Mohd. Zaki (tanga) papatahak sitipikit kumaa songulun tutumanud ababayan dilo. – foto Masani Sandan

TAWAU – Bingkil Pongurusan Korumbakan ih pinapanau Kinoyonon Kotungoligan Tisan Kolisahon Sabah (Esscom) milo silihon do kotonudan sabagi Prosedur Operasi Standard (SOP) do tumoguang pogumbalan toi ko korumbakan kotungoligan pointopot.

Panglima Pomorintah Medan Wilayah Timur, Leftenan Jeneral Datuk Mohd. Zaki Mokhtar minoboros do bingkil dilo nakaanu popiiso karaja mogisuai-suai puru id siriba Esscom om popoimbulai pirotian di lobi ogirot sabagii iso tinimungan.

Tumanud di Mohd. Zaki, piisaan mogisuai-suai agensi kotungoligan id siriba iso tinimungan okon ko osinang sabap ogumu pisuaian mantad kapanah-panahan do karaja, koubasanan karaja om ogumu po.

“Mulong do ingkaa, karaja Ops Daulat id kinaantakan Kampung Tonduo nakatalib minangajar tokou rati piuhupan di ogirot id tanga puru ngawi kotungoligan do madtamong kaamanan om kedaulatan pogun diti,” ka disio kumaa maganu habar id Ababayan Ponutuban Bingkil dilo solinaid tolu tadau mimpuun di tadau Koonom, nakatalib.

Ka di Mohd. Zaki, bingkil dilo nakalantoi silihon do platform toi ko SOP id suang tumoguang pogumbalan panganas toi ko tulun taraat kisindata. – Dii Masani Sandan / SayangSabah

Komen


Berita Berkaitan