Kota Kinabalu
Kota Kinabalu
Sandakan
Tawau
Lahad Datu
Keningau
Putatan
Semporna
Kudat
Papar
Ranau
Beaufort
Kota Belud

Sayang Sabah - The voice of Sabahans

Oporlu ponguhupan do rayat Sabah montok mogintong kotungoligan piolitan – NC UMS

nc-600x367
KOTA KINABALU: Mogigion Malaysia lolobi kopio id Sabah oporlu popoimbulai om popogirot piuhupan om piromutan id tiso om tiso montok mogintong atamangan om ajamin o kotungoligan id piolitan pogun diti.
Kumoduo Canselor Universiti Malaysia Sabah (UMS) Prof Datuk Dr Mohd Harun Abdullah minoboros do koduo-duo ahal dilo kosuul montok madtamong kotungoligan id suang lolobi id kotungoligan Tisan Kosilahon Sabah.
Ka disio, amu milo olimon do kooturan nopo nga ahal tagayo id suang madtamong do piolitan om kotungoligan pogun nga kakal haro ancaman sokiro aiso piuhupan om piromutan di tosonong id tanga mogigion kinoyonon.
“Pingisaman tokou momunso kasalaan id piolitan amu kalantoi sokiro tumaid tomod tokou noh dilo puru kikuasa,” ka disio soira minanahak boboroson kopongukaban seminar Longkod Ponoriukan Strategik om Kotungoligan Sabah (SASSREC) hiti di kawawagu.
Seminar kitulu “Piolitan om Kotungoligan Sabah” dilo kihontolon do mogiboboros om om mogiollon-olon do kointalangan montok monungolig om popoingkawas koinsonongon sosio-politik id Malaysia lolobi id Sabah.
Nakaampai id seminar dilo Longkod Ponoriukan Remote Sensing om GiS (CERGis), Longkod Ponoriukan Pulau-pulau Tokoro UMS om Pulis Diraja Malaysia (PDRM). – BERNAMA

Komen


Berita Berkaitan