Kota Kinabalu
Kota Kinabalu
Sandakan
Tawau
Lahad Datu
Keningau
Putatan
Semporna
Kudat
Papar
Ranau
Beaufort
Kota Belud

Sayang Sabah - The voice of Sabahans

Op Kutu Rayau minanampasi tangaanak mantad karaja mokikianu tusin

NATAMPASI … Wookon mantad tangaanak i natampasi id Op Kutu Rayau posorili kakadaian Kota Kinabalu. - foto SAYANGSABAH
NATAMPASI … Wookon mantad tangaanak i natampasi id Op Kutu Rayau posorili kakadaian Kota Kinabalu. – foto SAYANGSABAH

KOTA KINABALU – Soginumu 13 tangaanak kosuang duo baragang kiumur iso gisom duo toun natampasi id suang karaja Op Kutu Rayau ih pinapanau id posorili kakadaian diti.

Suai koi lo, karaja solinaid sanjaam id posorili Pasar Tagayo om Sinsuran dilo minanampasi 17 tulun nosukod, onom tondu om 11 kusai kosuang duo kusai amu songkuro pomusarahan.

Montiri Kotundaan Mogigion om Ahal Momoguno Datuk Jainab Ahmad minoboros do karaja dilo pinapanau kihontolon momorisi kakadaian Kota Kinabalu mantad karaja mokikianu tulun om kutu rayau.

“Suai ko ilo kihontolon nogi manampasi tangaanak mantad gunoon do mokikianu tusin di puru aiso tonggungan,” ka disio id pitimungan habar id Dewan Bandaraya Kota Kinabalu.

Pogulu dilo, Op Kutu Rayau binuruan di Jainab natanud mogisuai suai puru kosuang nogi Pulis, Koupisan Imigresen, Koupisan Porijistaan Pogun, Agensi Anti Dadah Kabansaan, Rela om Dewan Bandaraya Kota Kinabalu.

Tumanud di Jainab, toinsanan tangaanak tulun kinoyonon dilo tinampasi om pinaatod id Rumah Kanak-Kanak id Beringgis, Kinarut.

Om tangaanak tulun songkosuaian pinaatod id Rumah Pelindungan Ehsan, Kimanis. – Dii NUZIR ANDI SAMSIAR / Sayangsabah

Komen


Berita Berkaitan