Kota Kinabalu
Kota Kinabalu
Sandakan
Tawau
Lahad Datu
Keningau
Putatan
Semporna
Kudat
Papar
Ranau
Beaufort
Kota Belud

Sayang Sabah - The voice of Sabahans

Oontok do laang tutumanud PBR ih poposiwa walai kumaa tulun suai

radin 22

TENOM – Pamansaian do walai id tana tutumanud Ababayan Sakadai Walai (PBR) okon ko kirati, milo yolo poposiwa walai dilo kumaa tulun suai montok kountungan sondiri.

Montiri Kotundaan Labus Kakadaian Pogun Datuk Radin Malleh minoboros do kowowoyoon miagal dilo amu miagal do rikoton porinta ih minomonsoi om minoposodia walai dilo montok mogigion di mosikin om amu kamampu momonsoi walai sondiri.

“Soira minongoi oku tombului iso walai PBR di nakatalib, nokotigoo oku soira nokoilo walau PBR dilo niyon do tulun songkosuaian mulong do ngaran id limput dilo poinsurat ngaran di sanganu dilo tulun kinoyonon.

“Tulun songkosuaian dilo minomisunud doho do, RM120 sewa disio sombulan,” ka disio kumaa maganu habar kalapas minongoi intong kotundaan porinta id watas diti.

Radin ih ponogi Puru Walai Koundangan Pogun (ADUN) Melalap minoboros do laang dilo popokito ih sanganu PBR amu mamagatang pingisaman om ponulungan do porinta.

Sabap dilo, minokianu isido kumaa tulun ginumuan di koilo haro tutumanud PBR poposiwa walai diolo kumaa tulun songkosuaian do poporuput kumaa puru kikuasa montok laang potilombus. – Dii Kalawon Sawing / SayangSabah

Komen


Berita Berkaitan