Kota Kinabalu
Kota Kinabalu
Sandakan
Tawau
Lahad Datu
Keningau
Putatan
Semporna
Kudat
Papar
Ranau
Beaufort
Kota Belud

Sayang Sabah - The voice of Sabahans

Onuon o laang miampai aiso kompromi kumaa panganas : TKP

esszom-sandakan (2)

SANDAKAN: Kumoduo Boyoon Pulis Pogun Datuk Seri Noor Rashid Ibrahim minoboros do tinimungan koumoligan pogun maganu laang miampai aiso kompromi om kobinsianan kumaa tulun tangaraat ih momiraag kotungoligan pogun diti.
“Tinimungan koumoligan potilombus manahak do kopoingatan kumaa pangganas lolobi ih kakal amu momoduli kaantaban pogun nunu ih aanu diolo,” ka disio kumaa maganu habar kalapas minintong pinsingilaan Pasak I Program latihamal ESSCOM, id Longkod Tupis Pulis Watas, hiti di, kawawagu.
Tumanud disio, tinimuungan kotungoligan id siriba Kinoyonon Kotungoligan Poinbida Tisan Kolisahon Sabah (ESSCOM) poinsodia tumoguang nunu nopo kobolihangkangan kosuang nogi momunso do pangganas ih mumbal sumoruang id pogun diti lolobi kopio ih momiraag do kodaulatan pogun lolobi id Zon Atampasi Kolisahon Sabah (ESSZONE).
Pinotosol disio di tinimungan pangganas kaanu balasan miagal di pinokito maya pinsingilaan Pasak I.
Daamot dilo, ka di Noor Rashid, pinsingilaan Pasak 1 kihontolon do monilai pamalanan om mogintong songkuro sinonong do pamalanan dilo.
Sabap dilo, alansan isido maya pinsingilaann dilo kaanu manahak kopurimanan kumaa toinsanan puru kotungoligan om agensi ngawi kowowoyoon pointopot sabagi laang sumodia sokiro haro aantakan lolobi.
Somok 400 tulun kosuang 40 tupisor om 300 puru kotungoligan minapalantoi Latihan Pasak I dilo id berek laid longkod Tupis Watas Sandakan.
Nakaampai ih Potunud Koupissan Kotungologan Suang Pogun Datuk Muhammad Fuad Abu Zarim, Komander ESSCOM Dato’ Abdul Rashid Harun, Kumoduo Posurujaya Pulis Sabah Datuk Malik Harun om Boyoon Komponen Porisikan ESSCOM Datuk Rahim Mohamad.

Komen


Berita Berkaitan