Kota Kinabalu
Kota Kinabalu
Sandakan
Tawau
Lahad Datu
Keningau
Putatan
Semporna
Kudat
Papar
Ranau
Beaufort
Kota Belud

Sayang Sabah - The voice of Sabahans

Onom PATI ginakom id karaja miuhup

keningau ditahan
KENINGAU: Onom kusai modidikot songkosuaian aiso kasagaan (PATI) mantad Indonesia om Polipin tinahan id iso Karaja Miuhup ih pinapanau id kilang kayu Irama Ramai, Jalan Kimanis do hiti mimpuun jam 4.00 gisom 6.30 kosuabon tadau Kolimo nakatalib.

Boyoon Pulis Watas Keningau Deputi Supritendan Polis (DSP) Douglas Nyeging Taong minoboros do toinsanan diolo aiso surat kasagaan pamanahan om tinahan id siriba Seksyen 6 (1) (C) Akta Imigresen 1959/63 om patahakon kumaa Koupisan Imigresen montok laang potilombus.

Ka disio, karaja miuhup dilo tinanud soginumu 22 puru mantad mogisuai-suai puru monguasa kosuang Polis Diraja Malaysia (PDRM), Koupisan Imigresen watas Keningau, Bohogian Monguatkuasa Kounsil Watas Keningau om Koupisan Porijistaan Pogun (JPN).

Id karaja miuhup dilo soginumu 35 tulun pinorisa. Karaja nopo dilo nga kumoinsan pinapanau toin diti montok mongintutun PATI id watas diti. – Sayangsabah

Komen


Berita Berkaitan