Kota Kinabalu
Kota Kinabalu
Sandakan
Tawau
Lahad Datu
Keningau
Putatan
Semporna
Kudat
Papar
Ranau
Beaufort
Kota Belud

Sayang Sabah - The voice of Sabahans

Okon ko sumiliu porinta di “popular”

Rosnah Abdul Rashid Shirlin (tanga) miampai momuruan nayatan kampung id kampung dilo.
Rosnah Abdul Rashid Shirlin (tanga) miampai momuruan nayatan kampung id kampung dilo.

PAPAR – Barisan Nasional (BN) manu sumiliu porinta di kitonggungan om okon ko porinta di “popular” montok mamagayat sokodung do rayat.

Kumoduo Montiri Karaja Tagayo Datuk Rosnah Abdul Rashid Shirlin minoboros do ilo nopo nga prinsip porjuangan do momuruan om porinta BN ih poposogulu kosuulan do rayat.

Tumanud disio pomuruanan miagal dilo kaanu manamong toinsanan mogigion om nogi popokito kinoingkawason sokodung kumaa porinta.

Minoboros isido miagal dilo soira minanahak boboroson id Ababayan Momuruan Miampai Mogigion om pongukaban dewan kawawagu Kampung Santing, Pengalat Besar Papar.

Rosnah ih ponogi Puru Parlimen Papar minoboros do, porinta nga mingisom nogi papanau mogisuai suai kotundaan infrastruktur miagal momonsoi talun-alun, posodia lotirik, waig om komudahan do suai montok kosonongon toinsanan mogigion pogun diti.

Ka disio, kotulidon ginawo porinta miagal dilo apatut gatangon toinsanan mogigion om mangalai koborulongon dilo nunu nopo kointalangan puru susumaap. – SayangSabah

Komen


Berita Berkaitan