Kota Kinabalu
Kota Kinabalu
Sandakan
Tawau
Lahad Datu
Keningau
Putatan
Semporna
Kudat
Papar
Ranau
Beaufort
Kota Belud

Sayang Sabah - The voice of Sabahans

Ogumu padagang babarang soludup id Sabah, Sarawak

kastam
KOTA KINABALU: Kapadagangan babarang soludup miagal sogirit om tiinumon kaauk id Sabah om Sarawak nopo nga ogumu kopio.

Kumoduo Boyoon Potund (Ponguatkuasa) Koupisan Kastam Diraja Malaysia (JKDM) Datuk Matrang Suhaili minoboros do tumanud pongintaban di naanu koupisan dilo minopokito do babarang soludup id koduo-duo pogun nokomoi nopo nga akawas.

“Sabap dilo Kastam manahak ponumpuan momunso om monguyas kapadagangan babarang soludup toun diti id Sabah om Sarawak,” ka disio.

Minoboros isido miagal dilo kumaa maganu habar kalapas minopotimpuun Op Pacak 2016 nayatan pogun Sabah do hiti di baino.

Id ahal suai ka di Matrang puru disio nakaanu minangahau lobi 70 riong watang sogirit soludup poimpuli Malaysia kigatang pikikiro RM7.74 riong montok duo tulan kumoiso toun diti.

Id Sabah nopo ka disio, soginumu 841,780 watang sogirit soludup naahau miampai gatang pikikiro RM100,410 montok timpu dii miagal.

“Ginumu nopo dilo nga asil mantad 184 pomorisaan di pinapanau poimpuli pogun om mantad pomorisaan dilo soginumu 182 kiis pinosurat toiso-iso 77 kiis pamagakaman om 105 kiis pangahawan,” ka disio. – BERNAMA

Komen


Berita Berkaitan