Sayang Sabah Facebook

Likes
Sayang Sabah Twitter

11,694

Followers

Sayang Sabah - Portal Berita Negeri Kita

Nunu nopo tuntutan kumaa Sabah amu simbaron

12:56am 07/03/2016 Maryann 0 views Abal Kinoyonon,Kinoyonon,Kota Kinabalu

zahid
KOTA KINABALU: Porinta amu monimbar nunu nopo tuntutan toi ko kopokionuan mantad puru pointantu ih momonsoi tuntutan kumaa Sabah om kasasari madtamong kadaulatan pogun diti.

Kumoduo Luguan Montiri ih ponogi Montiri Suang Pogun Datuk Seri Dr. Ahmad Zahid Hamidi minoboros do pogun Sabah tilombuson tamangan mantad tuntutan hombo nopo pogun toi ko tinimungan sabap pogun diti nopo nga nakagabas om berdaulat id suang Malaysia.

“Mada tokou sundung soinsi tana pogun Sabah osoruang mantad hombo-hombo puru labus om amu tokou miduo ginawo karait ahal koumoligan,” ka disio.

Minoboros isido miagal dilo soira minopotimpuun seminar Koumoligan om Kosimbayanon Kogumuan (SEKAM) 2016 id Universiti Malaysia Sabah ih notindapou di lobi rinibuan susumikul UMS, do hiti.

Tumanud disio, kaantaban tagayo tinimungan koumoligan nopo nga madtamong kinoyonon okon nopo ko id tisan kosilahon Sabah nga nakaralad noh id tisan kotonobon pogun diti.

“Sabap ogirot kaantaban koumoligan id tisan kosilahon Sabah, do baino diti nakaralad nodii id kinoyonon kotonobon om mantad ponoriukan di pinapanau koumoligan Sabah, haro noh nopili diolo panglima mantad iso kosultanan id toiso-iso walai koundangan pogun id pogun diti,” ka disio. – SayangSabah

Apa Komen dan Pendapat Anda

Artikel Berkaitan