Kota Kinabalu
Kota Kinabalu
Sandakan
Tawau
Lahad Datu
Keningau
Putatan
Semporna
Kudat
Papar
Ranau
Beaufort
Kota Belud

Sayang Sabah - The voice of Sabahans

NTCM monguhup malim gunung manganu karaja daamot

malim gunung

KUALA LUMPUR – Kounsil Kotombuluian Kabansaan Malaysia (NTCM) pikikiro papanau skim pakarajaan daamot montok malim Gunung Kinabalu mooi kaanu yolo kumaraja id pogun suai.

NTCM id kointalangan dau minoboros do laang dilo montok monguhup toinsanan malim momoruhang komilaan diolo tumakad nuluhon nabalu.

“NTCM minapatahak tutungkap soginumu RM10,000 kumaa kotinanan dilo montok monguhup toinsanan malim gunung,” tumanud kointalangan.

Ontok tadau ko-5 tulan Koonom nakatalib, nokotoguang o Ranau tana noguyu kitukuran 5.9 id skala Richter, minoporundun 18 tulun tutumakad om malim gunung id Gunung Kinabalu.

Minoboros ih NTCM, puru disio minapaharo tombului id Kundasang om Ranau di kawawagu montok mintong sondiri kinorumbakon suai ko minapaharo pirubaan miampai Montiri Kotombuluian, Koubasanan om Ahal Misorili Sabah Datuk Masidi Manjun.

Pirubaan dilo montok mogihum ralan nunu ponguhupan i aanu papanahon montok monguhup mogigion kinoyonon, malim gunung om paganakan dii nokohompit id korumbakon dilo. – BERNAMA

Komen


Berita Berkaitan