Kota Kinabalu
Kota Kinabalu
Sandakan
Tawau
Lahad Datu
Keningau
Putatan
Semporna
Kudat
Papar
Ranau
Beaufort
Kota Belud

Sayang Sabah - The voice of Sabahans

Nopoto’karaja “Geng Along”

geng along
KOTA KINABALU: Pulis watas kikotumbayaan nakaanu minanalasai pipiro kiis sumoruang walai om mangahau ih naantakan posorili watas diti soira natahan tolu kusai kiumur id pialatan 18 gisom 36 toun di tadau ko-25 tulan Kohopod om Duo nakatalib.

Toinsanan di tinahan, puru “Geng Along” ih aparagat id karaja minsoruang walai tulun om manakau miampai momoguno sinjata posorili Sepanggar om Menggatal.

Boyoon Pulis Watas , ACP M.Chandra minoboros do, pamagakaman dilo pinapanau sumusuhut maya kumpolin songulun mogindapu ih minoporuput nosoruang do manakau o walai disio di tadau ko-22 tulan Kohopod om Duo nakatalib.

“Id kinaantakan jaam ko-4 sosodopon id walai disio id Salut Perdana Jalan Sepanggar, Menggatal ontok 22 tulan Kohopod om Duo, tolu kusai sinoruang id walai om minanakau tusin soginumu RM50,000 om kakamot do suai kigatang pikikiro RM100,000,” ka disio id pitimungan habar, hiti di konihab.

Tumanud di Chandra, mantad ruputan dilo, puru pulis nakaanu minanahan puru Geng Along id iso walai id Universiti Apartment, Jalan Sulaman.

Maya panangkapan dilo, naanu kaagu pulis minonoruang iso wlai id Kg Malawa, Menggatal di jaam ko 3.45 kosuabon om minanahan songulun po kawagu kusai kinoyonon kiumur 30 toun ih minooi lisok id lamari kain.

“Mantad ponoriukan, noilaan do ilo nopo nga momuruan dilo Geng Along ih wagu po nakalabus mntad panjara di tulan Kohopod toun nakatalib,” ka disio.

Ka di Chandra, ontok jaam 5.30 kosuabon tadau dilo, sinoruang do pulis iso walai id pomuwalaian Telipok om mnanahan tolu kusai songkosuaian.

Naahau nogi duo korita om mogisuai-suai kakamot kigatang kikotumbayaan asil pinanakau om kakamot gunoon do monoruang om manakau walai tulun.

Toinsanan dii natandasan tinahan om soriukon id siriba Seksyen 395/397 Kanun Keseksaan. – Dii Nuzir Andi Samsiar / SayangSabah

Komen


Berita Berkaitan