Kota Kinabalu
Kota Kinabalu
Sandakan
Tawau
Lahad Datu
Keningau
Putatan
Semporna
Kudat
Papar
Ranau
Beaufort
Kota Belud

Sayang Sabah - The voice of Sabahans

Nokoinsawat gatang kakamot id Semporna, Tawau

kenaikan harga tawau

SIPITANG – Luyud ih minopohompit piro-piro watas pogun diti pinoboros minomiraag tanom-tanom momutanom ngawi om minapasabab kinoinsawaton gatang taakaonon dilo sombohogian mogindapu id Semporna om Tawau.

Komontirian Kotundaan Mogigion om Ahal Momoguno Pogun Datuk Jainab Ahmad minoboros do miming haro noilaan haro mogindapu minopoingkawas gatang kakamot diolo id Semporna om Tawau.

“Sabap dilo, pinokianu ku tupisor monguasa Tupis Komontirian Pidagangan Suang Pogun Koperasi om Momoguno (KPDNKK) do mogintong om papanau Ops Harga montok mamantau kowowoyoon miagal dilo,” ka disio kumaa maganu khabar hiti di konihab.

Pogulu dilo, id suang ababayan “Turun Padang Pasca Banjir” id Sindumin, Sipitang, ih Jainab miampai rombongan Skuad Sayang Koonduan Umno pogun minopotunui sakadai kumaa mogigion dii naantakan do luyud id Tamu Pekan Sindumin.

Soginumu 137 boyoon paganakan kaampai lobi 1,200 mogigion naantakan luyud mantad 16 kinoyonon id watas diti nakaramit sakadai mantad porinta.

Kinoyonon dii noontok do luyud nopo nga Banting, Petarikan, Siputul, Skim Sindumin, Melamam, Ranau-Ranau, Luagan, Kawang Baru, Kawang Tali Air, Tanjung Nipis, Aru Baru, Pantai, Sindumin, Sri Menanti, Kawang Lama om Sindumin Baru. – Dii Sitti Nor Azizah Talata / SayangSabah

Komen


Berita Berkaitan