Sayang Sabah Facebook

Likes
Sayang Sabah Twitter

11,752

Followers

Sayang Sabah - Portal Berita Negeri Kita

Nokoingkawas ginumu tangaanak kiharo koboihangkangan tutok

1:06am 05/03/2016 Maryann 0 views Abal Kinoyonon,Kinoyonon,Kota Kinabalu

mpws
KOTA KINABALU: Ponoriukan Kolidasan om Morbiditi Kabansaan (NHMS) nokokito do tangaanak kiumur 1 gisom 15 toun kotoguang kobolihangkangan do tutok toi ko mental om nokoingkawas ilo piagalon toun toun nakatalib.

Tumanud pongintaban, kinoingkawason dilo nopo nga mantad 13 pihatus di toun 1996 kumaa 19.3 pihatus di toun 2006 om 20 pihatus toun 2011.

Ponorikohon Kounsil Ponasihat Koonduan Sabah (MPWS) Datuk Mariati Robert minoboros do lobi kotongob soira asil ponoriukan toun 2011 minopokito haro palan mongoi kiros id tanga tangaanak ilo nopo nga toiso iso 1.7 pihatus, 0.9 pihatus om 0.5 pihatus.

“Wookon tadon tangaakan kaampai id kobolihangkangan dilo nga mantad piniadaan molohing diolo, kowowoyoon misorili om diskriminasi mantad tambalut diolo.

“Sabap dilo, kosuul kopio piromutan tosonong id tanga tina tapa om tangaanak om popokito inupus diolo kumaa tangaanak potilombus mongingkuri kobolihangkangan tutok,” ka disio.

Minoboros isido miagal dilo soira minonutup Sominar Kolidasan Tutok, Tinan om Pomusarahan Tolidas id Wisma Wanita, do hiti.

Isido ih ponoti Luyor Tagayo Pogun Sabah minoboros do kobolihangkangan tutok id tanga komulakan nga nokoingkawas nogi, ilo nopo nga 13 pihatus di toun 1996, 19.6 pihatus toun 2006 om 20 pihatus toun 2011. – SayangSabah

Apa Komen dan Pendapat Anda

Artikel Berkaitan