Kota Kinabalu
Kota Kinabalu
Sandakan
Tawau
Lahad Datu
Keningau
Putatan
Semporna
Kudat
Papar
Ranau
Beaufort
Kota Belud

Sayang Sabah - The voice of Sabahans

Nokoguli ginirot sokodung mogigion Sina kumaa MCA

MCA Bohogian Penampang papatahak sakadai montok di Jonathan Wong, maganu habar Morning Post.- foto Jabatan Penerangan
MCA Bohogian Penampang papatahak sakadai montok di Jonathan Wong, maganu habar Morning Post.- foto Jabatan Penerangan

KOTA KINABALU – Sokodung mogigion do Sina kumaa MCA aanu pogulion om pogiroton montok patantu kotilombus o paati dilo lumansan tinaru nokomoi id koporintaan Barisan Nasional (BN).

Boyoon Montiri Datuk Seri Musa Aman minoboros do ginawo piobpinaian id tinimungan mogisuai suai mogigion lolobi kopio tinaru Tiong Hua di nokotindapou id walai poingukab Toun Wagu Sina toun diti di pinaanjur pati dilo, popokito pomoromitan diolo kumaa MCA.

“Okito ku, hombo nopo ngoyon ku (walai poingukab Toun Wagu Sina) ogumu kopio tinaru Tiong Hua di nokorikot manahak sokoduang. Kosuang nogi Walai Poingukab MCA Bohogian Penampang tadau diti,” ka disio kumaa maganu habar hiti di baino.

Minoboros ih Musa miagal dilo kalapas nokotindapou id Walai Poingukab Toun Wagu Sina MCA Bohogian Penampang id Dewan Sekolah Tinggi Kota Kinabalu (KKHS), Kota Kinabalu.

Nokotindapou Speaker Walai Koundangan Pogun Datuk Salleh Tun Said; Kumoduo Boyoon Montiri, Tan Sri Joseph Pairin Kitingan om Datuk Yahya Hussin,; Ponorikohon MCA Bohogian Penampang, Datuk Paul Kong Shin.

Musa Aman om Faridah Tussin (tanga) miampai tatamu suai popirolot do `lau sang’ id walai poingukab Toun Wagu Sina PBS.– foto Ille Tugimin
Musa Aman om Faridah Tussin (tanga) miampai tatamu suai popirolot do `lau sang’ id walai poingukab Toun Wagu Sina PBS.– foto Ille Tugimin

Pogulu dilo, isido om sawo dau Datin Seri Faridah Tussin, minapaharo tombului id Walai Poingukab Toun Wagu Sina pinaanjur Parti Bersatu Sabah (PBS) id Hotel Airport View, Kota Kinabalu.

Pikikiro lobii 5,000 mogigion nokorikot id karamaian dilo.

Alansan ih Musa do sokoduang om ponguhupan mogigion mogisuai suai tinaru id pogun diti ih nokotilombus gisom baino kotilombus gisom sogigisom.

Id ababayan dilo, MCA Bohogian Penampang minopotunui sakadai soginumu RM26,000 kumaa 260 paganakan id posorili kinoyonon Penampang om Kepayan om nogi RM15,000 kumaa maganu habar Morning Post, Jonathan Wong ih nolumpu do babaino diti. – Dii Sitti Nor Azizah Talata / SayangSabah

Komen


Berita Berkaitan