Kota Kinabalu
Kota Kinabalu
Sandakan
Tawau
Lahad Datu
Keningau
Putatan
Semporna
Kudat
Papar
Ranau
Beaufort
Kota Belud

Sayang Sabah - The voice of Sabahans

Nokogogor kawagu pomogunan

gunung gempa

Montok mogigion id watas Ranau om posorili dau, gogor tana skala ritcher 4.7 ih naantakan kawagu id Ranau, Sabah pikikiro jam 12.10 pitanga tuong kosodop, miagal nipi nohulit kawagu sabap minoposorou diolo kinaantakan ontok tadau ko-5 tulan Koonom nakatalib ih naantakan gogor ologod 5.9 skala ritcher.

Miampai linogod do gogor dilo di tulan nakatalib, minogowit kinorumbakon miampai notuhan o nuluhon Nabalu om minoporundun 18 tulun, yolo nopo nga Malim-malim gunung om tutumakad, kosuang tangaanak sikul.

Montok dii Malim Gunung Dolius Tinggi, poingion id Kampung Kiau Toburi, gogor kosodop miagal gogor di gulu. Sundung do ogumu kinaantakan gumogor nga kinaantakan tadau 5 tulan Koonom kakal kororosi.

Dolius ih pakaraja sabaagi Malim Gunung solinaid 13 toun minoboros do norongou disio tuni ologod mantad gunung pitang tuong kosodop.

“Kalapas naantakan tuni ologod dilo, kosusuhut nogi nokogogor. Yahai sampaganakan tuminilombus sinoliwan mantad walai om poingkakat id soliwan magandad otingokod ih gogor,” ka disio om minoboros do gogor dilo naantakan pikikiro 15 saat.

Otumbayaan nogi isio, haro poh kawagu notuhan id gunung toi ko haro watu noliid mantad gunung sabap tuni dii ologod kopio.

Ih Dolius nopo nga songulun mantad lobi 30 Malim Gunung ih notongkurung id nuluhon Nabalu ontok tadau 5 tulan Koonom nakatalib, pikikiroo jam 7.15 kosuabon. – Sayangsabah

Komen


Berita Berkaitan