Kota Kinabalu
Kota Kinabalu
Sandakan
Tawau
Lahad Datu
Keningau
Putatan
Semporna
Kudat
Papar
Ranau
Beaufort
Kota Belud

Sayang Sabah - The voice of Sabahans

Noguyu tana id Ranau mogowit korosian tulun Sabah toun 2015

gempa 24
KOTA KINABALU: Kinaantakan noguyu tana osuhatan kitukuran 5.9 skala Richter id Ranau, tadau ko-5 tulan Koonom nakatalib nosiliu kinaantakan opoit ih amu nasangka ih ponogi minongundorosi mogigion Malaysia, minoporundun 18 tulun kosuang tutumakad om malim gunung.

Noguyu tana dilo naantakan jaam 7.15 kosuabon tadau Kolimo nakatalib nokosurat sabaagi goos tologod naantakan id Malaysia, id suang timpu 39 toun nakatalib mantad podii toun 1976, om potilombus minangala rikod noguyu tana goos tologod kitukuran 5.8 skala Richter id Lahad Datu di toun 1976.

Longkod gogor tana dilo id 16km barat rahat Ranau, nga nopurimanan mogigion id somok-somok miagal id Ranau, Kundasang, Tambunan, Pedalaman, Tuaran, Kota Kinabalu om Kota Belud.

Waya kinaantakan dilo, wookon nopo nga minogowit iso mantad ikon sunduk Nabalu ‘Donkey’s Ears’, watu kaagal-agal do tolingo keldai, notipu suai ko naraat harata om nababak o walai.

Pogulu naantakan gogor tana dilo, maganu habar kinoyonon minoporuput do sontinimungan tutumakad mantad labus pogun luminabas soira nokorikot id sunduk Nabalu, nabalu goos takawas id Asia Tenggara dilo.

Kowowoyoon amu osonong tutumombului dilo minopoimbulai kototogod tulun Sabah sabap amu yolo mamantang koubasanan om kaadat-adaton kinoyonon kosuang sunduan id Nuluhon Nabalu. – BERNAMA

Komen


Berita Berkaitan