Kota Kinabalu
Kota Kinabalu
Sandakan
Tawau
Lahad Datu
Keningau
Putatan
Semporna
Kudat
Papar
Ranau
Beaufort
Kota Belud

Sayang Sabah - The voice of Sabahans

Ningkokoton apat uniborsiti kogumuan kinoyonon nokoinkawas toun diti

Mary-Yap

KUALA LUMPUR – Ningkokoon apat uniborsiti kogumuan kinoyonon id tukad lobi osonong toun diti, tumanud ningkokoton kawawagu pinosoliwan do QS World University Ranking (Asia) 2015, pitimungan Walai Pogun sinunudan di tadau Koiso.

Kumoduo Montiri Balajaran Datuk Mary Yap Kain Ching minoboros do uniborsiti dilo nopo nga Uniborsiti Malaya (UM) id tukad ko-29 piagalon 32 di toun nakatalib, tinanud do Uniborsiti Sains Malaysia (USM) id tukad ko-49 piagalon ko-57 pogulu diti.

Ka disio Uniborsiti Teknologi Malaysia (UTM) nokoingkawas kumaa id tukad ko-61 piagalon 66 toun nakatalib om Uniborsiti Putra Malaysia (UPM) id ningkokoton ko-66 piagalon 76 toun nakatalib.

“Maya Palan Kotundaan Balajaran Malaysia (PPPM) 2013 2025 montok Balajaran Takawas, mogisuai suai pingisaman pinapanau montok popoingkawas ningkokoton om gisom baino kinalantaian do uniborsiti kogumuan id ningkokoton sompomogunan minopokito kinoingkawason potilombus,” ka disio soira minomogulung pibarasan Rancangan Malaysia Ko-11 (RMK11) montok Komontirian Balajaran id pitimungan Walai Pogun.

Minoboros isido do mogisuai suai pingisaman pinapanau do porinta kosuang nogi poposiliu longkod balajaran takawas (IPT) id pogun diti ih haro pemetaan sosio-ekonomi om sosio-koubasanan ih osomok noh miagal, sabaagi pananda kinawas.

Ka di Yap suai ko ilo, pingisaman do popoingkawas ababayan ponoriukan, kosolimbahan om kotundaan susumikul om nogi piromutan industry id uniborsiti nga papanahon nogi. – Bernama

Komen


Berita Berkaitan