Kota Kinabalu
Kota Kinabalu
Sandakan
Tawau
Lahad Datu
Keningau
Putatan
Semporna
Kudat
Papar
Ranau
Beaufort
Kota Belud

Sayang Sabah - The voice of Sabahans

NGO Pro BN minomonsoi ruputan pulis karait titondos 1MDB

pro bn
KOTA KINABALU: Pakatan Badan Bukan Kerajaan Pro Barisan Nasional (NGO Pro BN) konihab minomonsoi ruputan pulis karait kointalangan ih kikotumbayaan titondos ruputan Komiti Kira-Kira Wang Negara (PAC) karait 1Malaysian Development Berhad (1MDB).

Porosidin dau Zulkarnain Mahdar minoboros do puru disio mokianu pulis do monoriuk kointalangan bagas timbang kumoduo Umno Bohogian Batu Kawan Datuk Seri Khairuddin Abu Hassan do tinomod kaka do pulis manahan ih Monunurat Tapantang PKR Rafizi Ramli montok mogodu dau tumindapou id pitimungan Walai Koundangan Pogun mamaso ruputan PAC dilo.

“Iti nopo nga iso titondos di araat kopio kumaa puru pulis om nokito sabaagi iso pogumbalan montok momorulong do pomusarahan do rayat om rakaman (video) dilo nga nokosibar id Facebook om WhatsApp,” ka disio kumaa maganu habar kalapas minomonsoi ruputan dilo id longkod Tupis Pulis Watas Kota Kinabalu pikikiro jam 10.30 kosuabon konihab.

Minoboros ih Zulkarnain do puru disio nga minomonsoi nogi ruputan pulis kumaa bagas luguan montiri Tun Dr Mahathir Mohamad ih popingraat di Luguan Montiri Datuk Seri Najib Tun Razak do nakaampai kaka id ahal 1MDB gisom minogowit kumponi dilo natagakan RM42 bilion. – BERNAMA

Komen


Berita Berkaitan