Kota Kinabalu
Kota Kinabalu
Sandakan
Tawau
Lahad Datu
Keningau
Putatan
Semporna
Kudat
Papar
Ranau
Beaufort
Kota Belud

Sayang Sabah - The voice of Sabahans

NGO minomonsoi ruputan pulis karait kopoonjuran Deklarasi Rayat

pro bn
KOTA KINABALU: Iso kotinanan okon porinta (NGO) Pro Barisan Naisonal (BN) minomonsoi ruputan pulis kumaa panganjur ih roitan sabagi Deklarasi Rayat ih poonjuron do bagas Luguan Montiri Tun Dr. Mahathir miampai dii Tan Sri Muhyiddin, Dato’ Seri Mukhriz om barisan susumaap ih mamadawa pointalang paparaat puru Polis, SPRM, Bank Negara om nogi PAC.

Ruputan dilo winonsoi di porosidin dau Zulkarnain Mahdar id Longkod Tupis Pulis Watas Kota Kinabalu, do hiti di baino.

Moboros kumaa maganu habar kalapas minomonsoi ruputan dilo, ka disio id paranggan kaaapat Deklarasi dilo minopoboros do pomulihan integriti longkod ih binoros do nantaban tulun misosondiri miagal Polis, SPRM, Bank Negara om nogi PAC nga titondos taraat.

“Titondos diti nopo nga oindamaan om aiso kointalangan pointalang lolbi kotolu-tolu longkod diti kosuang PAC ih pinoiliu id siriba parlimen umbalan antaban dii Luguan Montiri Dato’ Seri Najib om ruputan diti winonsoi mooi panganjur do deklarasi rayat onuan do laang id siriba akta fitnah om hasutan,” ka disio.

Minoboros nogi ih Zulkarnain do ahal tagayo di umbalan diolo poimbulaion nga karait 1MDB kakal id ponoriukan do Koupisan Audit Pogun miampai puru PAC om amu yolo milo monondos sosongulun di amu poh nadawa nakasala do kuut sabaagi nakasa. – Sayang Sabah

Komen


Berita Berkaitan