Kota Kinabalu
Kota Kinabalu
Sandakan
Tawau
Lahad Datu
Keningau
Putatan
Semporna
Kudat
Papar
Ranau
Beaufort
Kota Belud

Sayang Sabah - The voice of Sabahans

Natandassan kiis mamatai, osuon do pulis

douglas
KENINGAU: Pulis do hiti mamaso mogihum songulun kusai tulun Indonesia ih kikotumbayaan natandasan id kiis mamatai songulun kusai tulun Indonesia id kabun piasau sawit poinsomok Kg. Bunang Sook lobi kurang 55 kilometer mantad hiti di tulan Kohopod om Iso toun nakatalib.

Boyoon Pulis Watas Keningau Deputi Supritendan Polis (DSP) Douglas Nyeging Taong minoboros do ih natandasan nointutunan sabaagi Irwan Bin Sumail tumanud kartu kukumaraja labus pogun id siriba ngaran dau ih nabantalan id tampat kinaantakan.

Ka disio ontok tadau ko-14 tulan Kohopod om Duo nakatalib, pikikiro jaam 7.33 totuong nakaramit o pulis ruputan maya talipaun mantad tulun ginumuan poboros do nokobontol iso tinan songulun kusai id kinoyonon kabun piasau sawit Kg. Bunang Sook.

“Asil ponoriukan tosopung noilaan do ih mungui nointutunan sabaagi Iwan Bin Makrasan nokito napatai id tampat kinaantakan id toguang iso sulap id kabun dilo.

Mantad pomorisaan kumaa tinan dilo, nokito iso bagas notobok lobi kurang iso sentimeter id liou ponong gibang, iso nohorob pikikiro tolu sentimeter id longon wanan o miso bagas notobok lobi kurang iso sentimeter id tolikud longon di mungui, ka disio kumaa maganu habar id IPD do hiti di konihab. – Dii Kalawon Sawing/Sayangsabah

Komen


Berita Berkaitan