Sayang Sabah Facebook

Likes
Sayang Sabah Twitter

11,799

Followers

Sayang Sabah - Portal Berita Negeri Kita

Natandasan kiis manakau kadai 24 jam osuon do pulis

2:01am 31/12/2015 Maryann 0 views Abal Kinoyonon,Kinoyonon,Kota Kinabalu

samun kk
KOTA KINABALU: Songulun kusai kinoyonon kiumur 17 toun kikotumbayaan nakaampai id kiis manakau kadai 24 jam Orange id Api-api Centre Kota Kinabalu ginakom id iso ponugkuan id iso walai Kampung Tanjung Aru Lama.

Ih natandasan miampai songulun poh tambalut dau mimpura-pura sumiliu palanggan om potilombus minapataan do pisau kumaa di kukumaraja kadai om minangahau tusin RM800 pogulu minogidu.

Mantad ponoriukan om kointalangan tulun ginumuan, di tadau ko-28 tulan Kohopod om Duo nakatalib sontinimungan pulis mantad IPD KK minapapanau ponugkuan id iso walai id Kg Tg Aru Lama, Kota Kinabalu om nakaanu minanahan songulun kussai ih kikotumbayaan nakaampai id kiis dilo.

Mantad pinamagakaman dilo, nointutunan nogi pulis songulun poh kawagu kusai tambalut di nagakom kakal poingabas om mamaso ihumon do pulis.

Boyoon Pulis Watas ACP M.Chandra minoboros do kusai di kakal ihumon do pulis kiumur 17 toun, nointutunan sabaagi Ijam, tinaru Bajau Filipina om poingion id Kampung Pondo Pulau Gaya Kota Kinabalu. – Dii Leolerry Lajius/Sayang Sabah

Apa Komen dan Pendapat Anda

Artikel Berkaitan