Sayang Sabah Facebook

Likes
Sayang Sabah Twitter

11,803

Followers

Sayang Sabah - Portal Berita Negeri Kita

Nasip turu miobpinai aiso molohing nakaanu kosianan

9:39pm 16/04/2016 Maryann 1 views Abal Kinoyonon,Berita Pilihan,Kinoyonon,Kota Kinabalu

KUDAT
PITAS: Nasip 7 mogiobpinai id Kampung Bongkol ih notongkiadan do tina om tapa tuturus nakaanu kosianan om pogintangan do porinta.

Montiri Kotundaan Mogigion om Ahal Momoguno Datuk Jainab Ahmad Ayid ih nokorikot sondiri minooi intong kowowoyoon 7 mogiobpinai dilo minopolombus kosianan om minapatahak sakadai kosukupan monikid tadau.

Tumanud di Jainab, mimang apatut onuan do sakadai o 7 mogiobpinai dilo ih natagakan do posondihan.

“Onuan tokou sakadai nunu ih apatut kumaa diolo sabap tanak totuo dilo Tadi Fracisca Harul, 17 toun.

“Koupisan Ponorinaan Kobajikan Am Sabah nga minapatahak do Tabung Sakadai Tosisikap (TBS) RM300 kumaa diolo mimpuun tulan Kolimo om sakadai tangaanak (BKK) soginumu RM450 mangan patahako kumaa dii Fracisca,” ka disio.

Daamot dilo Puru Walai Koundangan Pogun Pitas Datuk Bolkiah Ismail pikikiro momonsoi iso walai montok tangaanak aiso molohing dilo maya ababayan “Touch Point” om nogi minapatahak sakadai sondiri disio.

“Papanahon ilo maya Tupis Watas Pitas om wonsoion miampai poruntukan RM50,000 montok monguhup do tangaanak diti maganu walai di osonong om otungolig,” ka isio.

Daamot dilo Fracisca mongunsikou sabap haro puru manahak sakadai kumaa diolo.

“Poingkaraja oku sokinaid tolu toun id kadai roti miampai gaji RM800 sombulan montok gunoon do paganakan ku,” ka disio.

Turu mogiobpinai dilo natagakan tina duo toun nakatalib sabap suminakit om tinanud do tapa diolo ih minidu pogun ontok tadau ko-31 tulan Kotolu nakatalib sabap sumakit. – Sayang Sabah
KUDAT 2

Apa Komen dan Pendapat Anda

Artikel Berkaitan