Kota Kinabalu
Kota Kinabalu
Sandakan
Tawau
Lahad Datu
Keningau
Putatan
Semporna
Kudat
Papar
Ranau
Beaufort
Kota Belud

Sayang Sabah - The voice of Sabahans

Napatai sasabap koolingon tulun suai

maut121

KOTA KINABALU – Sasabap koolingon papanau iso van, songulun kukumaraja porinta noiduan ginawo soira motosikal pinapanau disio nokotugu iso van nokomoi ih minomonsoi pusingan U id somok Kampung Delima id Kilometer 10.5, Jalan UMS doo hiti di sosodopon baino.

Boyoon Polis Watas Asisten Komisioner M.Chandra minoboros do kinaantakan pikikiro jam 2 sosodopon dilo minogowit mungui kusai kiumur 26 toun noiduan ginawo id kinaantakan sasabap noindamaan nosindualan.

“Mantad ponoriukan do pulis noilaan, ih mungui mamaso papanau motosikal mantad 1Borneo kumaa Sepanggar, om ih van Toyota pinapanau songulun tondu mantad Indah Permai kumaa Kota Kinabalu,” ka disio do hiti di baino.

Soira nokorikot id kinaantakan, papanau van kiumur 38 toun minumang turug U kumaa id Tuaran miampai amu minintong korita suai mantad ralan olurus.

“Mungui kikotumbayaan amu nakaanu minangalai om nokotugu van nokomoi pogulu nakataam id tisan talun alun,” ka disio.

Poingkuro poi h papanau van amu nosindualan. Papanau tondu dilo tinahan montok ponoriukan tumanud Seksyen 41 (1) Akta Padsakaian Talun Alun 1987. – Dii Nuzir Andi Samsiar / Sayangsabah

Komen


Berita Berkaitan