Kota Kinabalu
Kota Kinabalu
Sandakan
Tawau
Lahad Datu
Keningau
Putatan
Semporna
Kudat
Papar
Ranau
Beaufort
Kota Belud

Sayang Sabah - The voice of Sabahans

Najib sinasi pisoinan PDP ralan magayo Pan Borneo Sabah

pan-borneo-600x366
PUTRAJAYA: Luguan Montiri Datuk Seri Najib Tun Razak tadau baino sinasi ababayan misaim Pijonjian Rakan Projek Pelaksana (PDP) montok mongurus om papanau pamansaian 706 kilometer (km) Ralan Magayo Pan Borneo Sabah, do hiti.

Nakaampai sinasi id pijonjian kapaampai tolu puru dilo, ilo nopo nga puru Koporintaan Pisompuruan, Koporintaan Pogun Sabah om puru PDP dilo nopo nga Boyoon Montiri Sabah Datuk Seri Musa Aman om Boyoon Monunurat Pogun Tan Sri Dr Ali Hamsa.

Id kointalangan di pinalabus do Komontirian Karaja Tagayo id ababayan dilo, porojik Magayo Pan Borneo Sabah pikikiro monimban do landskap infrastruktur om poromut do kakadaian tagayo id Sabah miampai lobi osonong, osimbayan om atampasi montok 3.74 riong mogigion id pogun dilio.

Tumanud disio, porojik dilo mimpuun mantad Sindumin gisom korikot id Tawau, kosiliu ralan popiromut tosonong om otungolig om nogi manahak kosimbayanon kapanahan montok toinsanan momoguno talun alun.

“Porojik Ralan Magayo Pan Borneo Sabah nopo nga iso porojik monginsonong wayaan di haro mantad om momonsoi wayaan kawawagu poporomut do kakadaian. Ralan magayo diti nopo nga wayaan tagayo om aiso tol,” ka disio.

Pijonjian dilo sinoinan dii Boyoon Monunurat Komontirian Karaja Tagayo Datuk Seri Zohari Akob, Monunurat Porinta Pogun Sabah Tan Sri Sukarti Wakiman om Potunud Urusan Borneo Highway PDP Sdn Bhd Ir Shahelmey Yahya.

Kumponi Borneo Highway PDP Sdn Bhd pinili sabaagi PDP montok papanau porojik dilo. – BERNAMA

Komen


Berita Berkaitan