Kota Kinabalu
Kota Kinabalu
Sandakan
Tawau
Lahad Datu
Keningau
Putatan
Semporna
Kudat
Papar
Ranau
Beaufort
Kota Belud

Sayang Sabah - The voice of Sabahans

Nafas monguhup poingkawas longkod pidagangan kakamot PPK

nafas

PENAMPANG – Kotinanan Pomukobunan Kabansaan (Nafas) mingisom manahak ponguhupan kousinan montok monginsonong longkod ponimungan kakamot ih pinosoliwan do Kotinanan Pomukobunan Kinoyonon (PPK) id pogun diti.

Puru Potunud Nafas, Datuk Zubir Zabidi minoboros do laang monginsonong kinoyonon dilo sabaagi longkod pidagangan asil karaja PPK kihontolon do papasanang karaja pidagangan kakamot toiso iso PPK.

“Id Sabah, noukaban tokou noh iso longkod kawawagu montok monginsonong om mongulud kawagu toiso-iso PPK sabap Sabah nopo nga pogun dii agayo om haro kagarasan sondiri,” ka disio.

Minoboros isido miagal dilo kumaa maganu habar kalapas minopotimpuun Mitingan Tounan PPK Penampang, id Dewan Kinsabina, do hiti di baino.

Tumanud dii Zubir Nafas raan Sabah aparagat id suang pongusahaan siktor pomukobunan om id timpu dilo popoingkawas koonunuan maya ababayan pongindopuan do suai.

Tumanud disio, porojik pananaman tagayo ih pinapanau babaino diti nopo nga piasau sawit id kinoyonon kokobunan soginayo 400 hiktar id Sandakan om pikikiro 30 pihatus kinoyonon dilo nokotunda noh. – Dii Sitti Nor Azizah Talata / SayangSabah

Komen


Berita Berkaitan