Kota Kinabalu
Kota Kinabalu
Sandakan
Tawau
Lahad Datu
Keningau
Putatan
Semporna
Kudat
Papar
Ranau
Beaufort
Kota Belud

Sayang Sabah - The voice of Sabahans

Nabantalan do APMM Lahad Datu Tongkang Anand12 ih naahau Abu Sayyaf

apmm1-600x367
LAHAD DATU: Agansi Monguatkuasa Maritim Malaysia (APMM) Lahad Datu nokobontol iso tongkang ih pinorijistor id siriba ngaran ‘Anand 12’ kikotumbayaan naahau tinimungan susumaap Abu Sayyaf id kinoyonon kowoigan Filipina ko-26 tulan Kotolu nakatalib.

Potunud Maritim Watas Sandakan, Kapten Maritim A. Razak Abd Rahman minoboros do tongkang sinanganu bot tunda Brahma 12 ih naahau mamaso id tindalanon mantad Kopulauan Borneo kumaa Filipina ontok tadau kinaantakan dilo nopo nga nabantalan do APMM pikikiro jam 1.05 pitangaadau id kinoyonon Kowoigan Tungku, Lahad Datu.

“Mamaso karaja mogihum, pinapanau do APMM duo aset mantad Pangkalan Maritim Lahad Datu (PM 17) ilo nopo nga Bot Kilat 51 om Banggi 35.

Tinimungan Pulis Polis Marin (PPM) minapapanau Bot PA 47. Karaja dilo pinotimpuun jam 10.30 kosuabon om nopupusan soira nabantalan ilo jam 1.05 pitangaadau asil ponguhupan mantad puru Koinoyonon Koumoligan Poimbida Tisan Kosilahon Sabah (Esscom) om PPM Lahad Datu,” ka disio id iso kointalangan do hiti..

Minoboros ih A.Razak do tongkang dilo kikotumbayaan norulun mantad Terumbu Alice, Filipina om nokosuang id kowoigan Malaysia. – BERNAMA

Komen


Berita Berkaitan