Kota Kinabalu
Kota Kinabalu
Sandakan
Tawau
Lahad Datu
Keningau
Putatan
Semporna
Kudat
Papar
Ranau
Beaufort
Kota Belud

Sayang Sabah - The voice of Sabahans

Naahau do pulis 6,612 gram syabu

dadah
KOTA KINABALU: Tinahan do pulis limo tulun kinoyonon kosuang songulun tondu om minangahau 6,612 gram dadah syabu kigatang RM522,000 id iso ponugkuan misuai id Kota Kinabalu om Sandakan, tadau ko-12 tulan Kaapat nakatalib.

Kumoduo Posurujaya Polis Sabah, Datuk Awang Sahari EM Nadzeer minoboros do toinsanan di natandasan kiumur id pialatan 30 gisom 50 toun om kikotumbayaan nakaampai id sindikit karaja potikid dadah.

Ka disio, karaja potikid dilo noungar soira puru pulis minanahan songulun tondu miampai iso kupuk kisuang walu linopot kisuang dadah syabu kiwinagat 6,216 gram jam 6 sosodopon, id Terminal Bas Inanam, do hiti tadau ko-12 tulan Kaapat nakatalib.

“Mantad ponguhatan ponoriukan di pinapanau kumaa di natandasan minogowit do pulis minanahan duo poh kawagu natandasan do hiti om dui id Sandakan,” ka disio kumaa maganu habar id pitimungan habar, do hiti di baino.

Suai koi lo, puru pulis nga minangahau nogi 400 gram syabu sumusuhut pinamagakaman duo tulun di natandasan id sandakan ontok tadau dilo.

Ka disio kolimo-limo tulun di natandasan dilo nakaampai id karaja potikid do dadah mantad sontoun nakatalib. Kiis dilo soriukon id siriba Seksyen 39B Akta Dadah Koligogon 1952.- Elezebeth Esther/SayangSabah

Komen


Berita Berkaitan