Kota Kinabalu
Kota Kinabalu
Sandakan
Tawau
Lahad Datu
Keningau
Putatan
Semporna
Kudat
Papar
Ranau
Beaufort
Kota Belud

Sayang Sabah - The voice of Sabahans

MyKad pilasu: MPSS minamarayou pingisaman JPN, PDRM

mohd zaki
KOTA KINABALU: Kounsil Pimuapakatan Suluk Sabah (MPSS) minamarayou pingisaman potilombus puru kikuasa lolobi Koupisan Porijistaan Pogun (JPN) om Polis Diraja Malaysia (PDRM), monguyas karaja posoliwanan om pomogunaan surat kointutunan pilasu id pogun diti.

Monunurat MPSS Mohd Zaki Harry Susanto minoboros do pingisaman dilo nopo nga poinsudong kopio.

Alansan nogi isido mooi puru manganu habar om mogigion amu prejudis miampai pagait pamagakaman tulun misosongulun mantad Polipin miampai tinaru Suluk kinoyonon Sabah.

“Kipomusarahan oku do ahal nopo diti nga ahal nasional. Sokiro amu salasaion do ososonong, kaanu momirumbak om paparaat ngaran do tinaru Suluk id Sabah sabap pamagakaman inssaru pogoiton sabaagi Suluk.

“Sabap dilo mositi haro iso laang montok popisuai id pialatan diolo di mamarait tinan sondiri sabaagi ‘Tausug’ miampai sinakagon do Suluk Sabah. Iyahai (Suluk kinoyonon Sabah) haro duo entiti ih misuai mantad Suluk id pogun diti okon ko Sulu,” ka disio kumaa Bernama do hiti di baino.

Minoboros isido miagal dilo soira minongulas pinanahanan 11 tulun songkosuaian kikotumbayaan momoguno kad kointutunan pilasu om turu poh kawagu momoguno kad kointtunan tulun suai, id Johor kosodop.

Toinsanan di tinahan minangakun mantad Sandakan, Sabah om minangakun minomoli kad kointutunan dilo mantad ejen id watas dilo miampai gatang RM300 gisom RM2,500. – BERNAMA

Komen


Berita Berkaitan