Kota Kinabalu
Kota Kinabalu
Sandakan
Tawau
Lahad Datu
Keningau
Putatan
Semporna
Kudat
Papar
Ranau
Beaufort
Kota Belud

Sayang Sabah - The voice of Sabahans

MyBeras: Lobi 29 noribu paganakan mosikin id Sabah karamit sakadai wagas

myberas
KOTA KINABALU: Soginumu 29,073 paganakan mosikin id Sabah pikikiro karamit sakadai 20 kilogram wagas monikit iso paganakan sombulan maya ababayan MyBeras mimpuun tadau ko-1 tulan Kotolu diti.

Kumoduo Boyoon Montiri Datuk Seri Panglima Haji Yahya Hussin minoboros do sakadai dilo kapanau gisom tulan Kohopod om Duo toun diti.

“Toinsanan di mamaramit nopo nga ih nopilo mantad paganakan mosikin om poinsuang id Sistom e-Kasih,” ka disio kumaa maganu habar kalapas nokotindapou id Kointalangan Poimbida Pangantaban Kumaa Eksport Sada Segar id Wisma Pertanian Sabah, do hiti di konihab.

Nokotindapou nogi ih Monguhup Montiri Komontirian Pomutanaman om Pomorunan Taakanon Datuk Haji Musbah Jamli, Ponorikohon Safma, Dato’ Haji Jaujan Haji Sambakong ih ponogi Puru Walai Koundangan Pogun (ADUN) Sulabayan, Monunurat Tatap Komontirian Datuk Ujang Sulani om boyoon ngawi koupisan om agensi id siriba komontirian dilo.

Yahya ih ponogi Montiri Pomutanaman om Pomorunan Taakanon Pogun minoboros do ababayan MyBeras poindalanon do BERNAS miampai ponguhupan tupis watas, om komontirian dau monguhup mongulud om mogintong. – SayangSabah

Komen


Berita Berkaitan