Kota Kinabalu
Kota Kinabalu
Sandakan
Tawau
Lahad Datu
Keningau
Putatan
Semporna
Kudat
Papar
Ranau
Beaufort
Kota Belud

Sayang Sabah - The voice of Sabahans

Muzium Sabah, swasta pinokianu poingkawas piuhupan mamagayat tutumombului

Musa (tanga) tinanud di Kumoduuo disio, Tan Sri Joseph Pairin Kitingan om Montiri Kotombuluian, Koubasanan om Ahal Misorili Datuk Masidi Manjun minting pokikitanan id Muzium Sabah. – foto ihsan JKM
Musa (tanga) tinanud di Kumoduuo disio, Tan Sri Joseph Pairin Kitingan om Montiri Kotombuluian, Koubasanan om Ahal Misorili Datuk Masidi Manjun minting pokikitanan id Muzium Sabah. – foto ihsan JKM

KOTA KINABALU – Koupisan Muzium Sabah pinokianu potilombus miuhup miampai puru swasta montok popotunda komudahan toi ko poposodia ponorinaan di lobi kagayat tutumombului.

Boyoon Montiri, Datuk Seri Musa Aman minoboros do mimang kalansanan do porinta pogun om mogigion montok mogintong do Muzium Sabah kotilombus kotunda id timpu abantalan.

“Puru muzium apatut tumilombus papanau tongggungan do manampasi tinungkusan koubasanan om susuian doung gulu-gulu moi kotilombus kosiliu koimbayaan sukod wagu id timpu abantalan,” ka disio.

Minoboros isido miagal dilo soira minanahak boboroson id kopotimpuunan karamaian Jubli Emas Muzium Sabah id Pentaran Bangunan Utama, Kompleks Muzium Sabah, do hiti di tadau baino.

Nagayat ginawoo di Musa miampai pingisaman do Muzium manampasi tinungkuasan gua Agop Batu Tulug, id Batu Puteh Kinabatangan.

Karait ababayan dilo, ka disio 50 toun okon ko timpu alaid montok toiso iso muzium sabap id pogun dii nokotunda, kinoimbullaion do muzium hinotusan toun om montok Sabah, pogun kawawagu minomorinta misisindiri solinaid 52 toun, muzium tinuridong soira nakaanu o Malaysia momorinta sondiri. – Dii Sitti Nor Azizah Talata / SayangSabah

Komen


Berita Berkaitan