Kota Kinabalu
Kota Kinabalu
Sandakan
Tawau
Lahad Datu
Keningau
Putatan
Semporna
Kudat
Papar
Ranau
Beaufort
Kota Belud

Sayang Sabah - The voice of Sabahans

Muzium Sabah kiharo soriong notimung kakamot susuian

Musa (tanga) momobog do tagung sabaagi tanda kopotimpuunan ababayan Jubli Emas Muzium Sabah. – foto ihsan JKM
Musa (tanga) momobog do tagung sabaagi tanda kopotimpuunan ababayan Jubli Emas Muzium Sabah. – foto ihsan JKM

KOTA KINABALU – Id kotimpuunan miampai tinimung soginumu 14,500 kakamot koubasanan mogigion kinoyonon ih tinungkusan dii Tupisor Kumponi Berpiagam Borneo Utara, G.C.I Wolly, do baino Muzium Sabah kiharo soginumu lobi soriong kakamot notimung.

Kogumuan dilo numaan bolio mantad mogigion kinoyonon om ogumu nogi i pinotoluod tulun ginumuan kosuang koleksi Robert Knowles, Lengraf suai ko tinimung misosondiri mogigion kinoyonon.

Montiri Kotombuluian, Koubasanan om Ahal Misorili Datuk Masidi Manjun, minoboros do ounsikou ginawo porinta pogun sabap longkod kinoyonon miagal universiti nga ogumu ponguhupan kumaa Muzium Sabah papanau ponoriukan tosorisid.

“Tapak pra sejarah toi ko sinumpakan do susuian ih nokito do babaino diti mangan tokou potundao miampai poposiliu dilo produk kotombuluian. Nosunudan oku do id timpu Muzium Sabah kakal id walai kadai id Jalan Gaya, tutumombului Muzium soginumu 4,800 tulun sontoun.

“Nga do baino nopo tutumombului Muzium korikot 40,000 tulun sombulan. Mantad ginumu dilo, iso mantad tolu nopo nga tutumombului,” ka disio soira minanahak boboroson id ababayan Jubli Emas Muzium Sabah i pinotimpuun di Boyoon Montiri Datuk Seri Musa Aman, do hiti di baino.

Nokotindapou nogi ih Kumoduo Boyoon Montiri Tan Sri Joseph Pairin Kitingan; Monguhup Montiri Kotombuluian, Koubasanan om Ahal Misorili Datuk Kamarlin Ombi; Montiri Karaja Poimbida Datuk Teo Chee Kang om Potunud Muzium Sabah, Joanna Kitingan. – Dii Sitti Nor Azizah Talata / SayangSabah

Komen


Berita Berkaitan